Mizoramah Go Air service chhunzawm

Aizawl | November 11, 2021: Vawiin atang hian GoAir (Go First ti a thlak tak) te chuan Mizoramah an service an rawn chhunzawm leh ta a. Tunkar chhung bik chu Ningani, Zirtawpni leh Inrinni te hian a hnuai ami ang hian an service phawt a nga. Kar leh lam atang chuan schedule thar angin an service tawh dawn a ni. He schedule thar hi naktuk lamah chhuak hman tura beisei a ni.


Wing Commander (Rtd.) Pu J. Lalhmingliana, Principal Consultant, Aviation chuan Go First thlawhna hi Lengpui Airport atangin a vailiam a ni.

Vawiin hian Flight No. G8-298 chu Guwahati atangin dar 1:15 ah lo chhuakin dar 2:15 ah Lengpui Airport a lo thleng a. Kolkata panin dar 2:50 ah a chhuak a. Flight No. G8- 151 chu Delhi atangin dar 12:15 ah lo chhuakin, dar 2:55 ah Lengpui Airport a lo thleng a. Dar 3:30 ah Guwahati panin a chhuak leh a ni.

- DIPR

Post a Comment

0 Comments