Malaria tamna hmunah thisen test runpui kalpui mek; kumin Malaria vei sangli chuang hmuchhuak tawh!

Aizawl | November 12, 2021: State Vector Borne Diseases Control Programme (SVBDCP) chuan tunlai hian  Mizoram a Malaria tamna District pathum, Lunglei, Lawngtlai leh Mamit chhunga khua, mi cheng 1000 zela Malaria vei mi 5 aia tam awmna khuaah thisen test runpui (Mass Screening & Treatment (MSAT) a kalpui mek.


Tun tum MSAT-ah hian heng khuaa mipui 90% te hi tuam tum niin, Malaria an vei leh vei loh endik sak an ni a. A vei hmuhchhuahte chu a hmunah damdawi te a thlawn a pek nghal zel an ni. Malaria vei hmuhchhuah loh emaw in thehdarh zel tur ven nana he hmalakna hi kalpui a ni a; district lama Health Deptt. thawktu te leh, state-a thawktute nen he hmalakna hi uluk taka kalpui a ni.


He MSAT-ah hian State atangin consultant pali an thawk chhuak a. Anni ho hi District lama thawktute nena thawkhovin thisen test runpui hi kalpui a ni. 

Kumina Malaria vei hmuhchhuah tawh zat leh tun MSAT chhunga malaria incident  hetiang a ni:

January  atanga September 2021 chhung hian:
1. Thisen exam tawh zat: 219040
2. Malaria vei hmuh chhuah tawh zat: 4727
3. Malaria avanga thi zat: 10

MSAT (Thisen test runpui) chhungin:
1. Thisen exam tawh zat: 6986
2. Malaria vei hmuhchhuah tawh zat: 87 (Pf: 72 Pv: 15)

Lunglei bikah:
1. Thisen exam zat: 156
2. Postive: Nil

Mamit bikah:
1. Thisen exam zat: 2766
2. Positive zat: 30 (Pf:26 Pv:4)

Lawngtlai bikah:
1. Thisen exam zat: 4064
2. Positive zat: 57 (Pf: 46 Pv: 11)

Post a Comment

0 Comments