'Hringnun keh them' lehkhabu tlangzarh


Aizawl | November 5, 2021: 'Hringnun Keh Them' lehkhabu Amos MS Dawngzuala ziah chu vawiin chawhnu khan Miss Mizoram 2020 Zirsangpuii'n a tlangzarh.


Zirsangpuii chuan, "Poetry hi Mizo literature-a kan hausak lohna lam tak leh, hralha hralh ralah pawh hralh kal lo tak tur an ni ngei mai a; amaherawhchu, tun hnaiah į¹­hangthar literature tuipui tak tak, chawi belh huam pawha literature hmangaih kan lo awm chho ve ta nuk mai a. A lawmawm em em a ni." a ti a.


"Vawiinah pawh hian mi nazawngin an tihchhuah ngam loh, Mizo literature-in a mamawh em em ni si, poetry bu chu chhuah a lo ni leh ta a, Poetry huanga Mizote tuihalna eng emaw chen chhawk turin, "Hringnun keh them" tih lehkhabu chu release a ni ta." a ti bawk.


'Hringnun Keh Them' tlangzarh inkhawm PUC Seminar Hall, Aizawl-a buatsaih hi MZU Students Council president David Lalrinchhana'n a kaihruai a, Pachhunga University College (PUC) Asst. professor Dr H Laldinmawia chuan lehkhabu tlangzarh tak hi thlirlawkin, Lalrammawia Ngente, Dr Vanlalvenpuia leh Dave Chawhte leh mi dang sawm bik te'n thu an sawi.


Amos MS Dawngzuala lehkhabu khawrpum hmasa ber 'Hringnun Keh Them' hi hla hril dahkhawmna bu niin, phek 118 a chhah a ni a,  cheng 150 in lehkhabu dawrah lei theih a ni.

#Photographer: C Lalmalsawma

Post a Comment

0 Comments