Chief Minister hovin Aizawl khawpui chhunga flyover leh terminus dah tura ruahmanna thlirho; a rang thei ang bera sawrkar laipuia bawhzui turin rel

Aizawl  | November 11, 2021: Vawiin khan Chief Minister Pu Zoramthanga hovin Aizawl khawpui chhung kawng tawt lutuk tiziaawm tura hmalakna kal mek chungchangah hemi zirchiang tura rawih TCIL (Telecommunications Consultant India Limited) hotute leh Planning & Programme Implementation Department leh PWD hotute chu an thukhawm.

TCIL hian Aizawl khawpui zirchianna an neih hnu ah Bawngkawn ah leh Vaivakawn a Flyover siam leh, public leh commercial vehicle chawlhna hmunpui terminus siam chungchangah feasibility report an siam chu vawiin meeting-ah hian enho a ni a. An report thehluh chu a thuphunga pawm a ni. He report dungzuia DPR siam thuai turin leh, hmalakna tur fund allocate thuai a nih theih nan a rang thei ang bera sawrkar laipuia bawhzui tura rel a ni.

Vawiin meeting-ah hian TCIL hotute leh State Planning Board Vice-chairman Pu H. Rammawi, Adviser to CM (Technical) Er. K. Sawmvela, Addl. Chief Secretary Pu J.C Ramthanga, Engineer-in-Chief Er. Lalmuankima Henry leh official dangte an tel bawk a ni.