ZMC Nurse lak chungchangah MSU-in lungawi lohna lantir


Aizawl | October 11, 2021: Zoram Medical College (ZMC) a thawk tur nurse laknaah thil fel lo awm chinfel a nih theih nan MSU chuan vawiin hian ZMC Falkawn-ah zirlaite hnatlang kovin, lungawi lohna an lantir.

MSU President Lalmuanzuala chuan, hna lak cancel tura sawrkar an ngen hnuah appointment letter tihchhuah a nih thu sawiin, thil dik lo tihfel a nih hma chu hmalak an tum thu a sawi bawk.


11:10 AM:
Health minister Dr R Lalthangliana chu ZMC ah hian dar 11:45 velah thleng tura beisei a ni.

11:21 AM:
Health minister-in ZMC a thleng tawh a, inbiakna an nei dawn mek a ni.

11:32 AM:
Health minister hovin ZMC hotute, MSU aiawh 4 leh Volunteer aiawh mi 4 te'n meeting an nei mek.

Thawnthu hlui:
Zoram Medical College (ZMC) a thawk tur nurse laknaah interview lo mi pahnih tlinga puan an nih bakah Volunteer a thawklai 14 chauh lak an nih chungchang buaina kal zelah Mizo Sudents' Union (MSU) leh ZMC a nurse volunteer a thawklaite chuan nurse atana lak thar mi 50-te chu an hna thar zawm lo turin an ngen.

MSU leh ZMC Voluntary Nurse Association (ZMCVNA) te chuan October 11 a  Joining Report pe tura kohte hi Joining Report pe lo turin a ngen a, Joining Report pek luih tum an awm a nih chuan an dang dawn a, an chungah eng harsatna pawh thleng se anmahni cho chhuaah MSU leh ZMCVNA te chuan a ngai dawn niin thu dawn a ni.

MSU leh ZMC Voluntary Nurse Association ten Joint Meeting neiin, Chief Minister hnenah Staff Nurse mi 50 lak te hi thil dik tawk lo awma hriat a nih avangin Cancel turin ngenna a thlen.

Hei hi ngaihsak a ni lova, naktuka joining report pe tur hian appointment letter tihchhuah a ni a, hemi dang tur hian MSU chuan naktuk hian hnatlang a ko  a a ni.




A thawnthu chu:
October 4, 2021 a DH&ME in Contract Basis a Staff Nurse 50 a lak result a tihchhuahah interview lo mi pahnih an awm a. Tihdikna hi October 6 leh 7 khan siam a ni.

June 14, 2021 a Covid 19 dona atana Volunteer a Nurse Duty tur sawrkarin a zawnnaah volunteer te hi sawrkarin hna a lak hunah ngaihpawimawh an ni ang tiin advertisement a tichhuak a, lawmman atan thlatin ₹. 22,000/- pek an nih tur thu a tel bawk.

  • Volunteer atan hian mi 103 an inpe a, anni hi thawk tura lak nghal vek an ni.
  • An lawmman dawn erawh ₹. 18,000/- niin, ₹. 4,000/- zel an dawng kim lo a, August leh September lawmman hi pek an la ni lo.
  • October 4, a Staff Nurse lakah Volunteer aṭang mi 14 chiah lak an ni a, ICU Experience nei lak nia sawi chu dawt a ni.
  • Staff Nurse lak turah hian diltu mi 1201 an awm.

Ni 5.10. 2021 khan MSU leh ZMC Voluntary Nurse Association ten Joint Meeting neiin, Chief Minister hnenah Staff Nurse mi 50 lak te hi thil dik tawk lo awma hriat a nih avangin Cancel turin ngenna a thlen.

Ni 9.10.2021 zingkarah H&ME Minister hmuh niin, mi 50 te Appointment pe lo turin a ngen.

Ni 9.10.2021 (Saturday) zanah mi 50 te Appointment Letter pek an ni.

Ni 10.10.2021 tlai dar 5 ah Chief Minister hmuh niin, Appointment Letter pek an nih hi a hriatpui loh thu a sawi.

MSU leh ZMCVNA te chuan ni 11.10.2021 a  Joining Report pe tura kohte hi Joining Report pe lo turin a ngen a, Joining Report pek luih tum an awm a nih chuan a dang dawn a, an chungah eng harsatna pawh thleng se anmahni cho chhuaah MSU leh ZMCVNA te chuan a ngai dawn a ni.


MSU Hnatlang kohna:
HNATLANG KOHNA

Mizo Students’ Union (MSU), General Headquarters; Aizawl chuan Health & Medical Education Department-in Staff Nurse post 50 a lak dan chungchanga thil fel lo awm chinfel a nih thuai theih nan naktuk 11th October, 2021, zing dar 9 ah hnatlang a kova. Mizo zirlai zawng zawngte ZMC, Falkawn-a kal turin kan inngen a, dik lo leh induhsakna hleihluak taka hna lak siamthat duhtu mipuite pawh MSU hnatlang a rawn thawkchhuak ngei turin kan insawm e. 

Zirlai lirthei nei lote kalna tur MSU in a ngaihtuah sak dawn a, Ngaizel Petrol Pump-ah innghahkhawm tur a ni ang. Motor hi zing dar 8:30am ah a chhuak ang.

(SAMUEL ZORAMTHANPUIA) 
General Secretary

Post a Comment

He post chungchanga i ngaihdan lo sawi ve rawh:

Previous Post Next Post