Aizawl | October 9, 2021: Young Lai Association (YLA), Saikah Branch a Saihulha Section te chuan nimin khan hnatlang in an khuaa hmeithai hripui vei Pi Tenu-i buh an seng sak.
Thudawnnain a tarlan danin, Pi Tenu-i hi buhseng a hun tan tawh avangin lo lamah a hun tam zawk a hmang a. October ni 2, Inrinni khan a taksa lam nawmsam loh avangin lo a a riak chu a lo haw a. In lama a inenkawl hnu in October ni 5, Thawhlehni khan Lawngtlai-ah in entirin RAgt Test a ti a. Covid 19 positive a ni tih hmuhchhuah a ni a.
Pi Tenu-i hi hmeithai, mahni chauh a khawsa a ni a, tunah hian mahni in lamah a inenkawl ve mek a ni.
Buhseng a hun tawh a vangin Tlawmngaih chhuahin Saihulha Section mai bakah YLA, Saikah Branch Member, a thei apiang leh khawtlanga tlawmngai thei apiang ten vawiin khan Pi Tenu-i buh hi an seng zawhsak a ni.
Post a Comment
He post chungchanga i ngaihdan lo sawi ve rawh: