MLA Election | Tuirial bial inthlang tur atana inbuatsaihna kal zel

Aizawl | October 19, 2021: 4-Tuirial (ST) Assembly Constituency a Bye-Election neih tur atan Polling Officer, Presiding Officer leh Assistant Presiding Officer-te tan Training neih a ni a. Training hi hmun hnih ah neih niin Parish Hall, Venglai Kolasib leh I&PR Conference Hall, Project Veng Kolasibah nimin chawhma dar 11:00 khan Bye-Election lo awm tura inkaihhruaina leh dan zawm tur hrang hrang inzirtirna hun hman a ni.

Election neih huna EVM leh VVPAT khawl hman dan tur pawh a tak a inzirtirna 'Hands on Training' hun hman nghal a ni bawk.

Parish Hall a Training neihna hi Pu Gaston Vanlalhriatpuia, District Urban Development Officer chuan kaihruaiin 1st Polling Officer leh 2nd Polling Officer-te Training a pe a. Polling Officer mi 73-te hnenah Vote thlak turte an buaipui dan tur leh Election chungchanga harsatna awm thei laka hmalak dan turte pawh inzirtirna hun hman a ni.

I&PR Conference Hall-ah hian Pu Timothy R. Lalhmangaiha, BDO, Bilkhawthlir, Pi Lalvenhimi Ralte, SDC leh Pi Lalruatpuii Hnamte ,SDC- te'n Presiding Officer (PRO) leh Assistant Presiding Officer (APRO) te mawhphurna hrang hrang zirtirna hun an hmang a. Polling Station hrang hranga Election kalpuina turah Election Commission of India in inkaihhruaina a siamte tarlanna hun hman a ni.

Vawiin Training-naah hian Bye-Election felfai leh muanawm tak a neih a nih theihna tur sawihona neih a ni a, Polling Party-te nen a thawhhona tha tak a awm theih nan ruahmanna sawiho a nih bakah COVID-19 hrileng kar a Election felfai leh him tak neih dan turte pawh tarlan a ni.