Thingsulthliah leiminin in hnawl; mi pahnihin nunna chan

Aizawl | October 9, 2021: Tukin zinglam dar 1:00 vel khan Thingsulthliah Hospital Area, vengsangah Pu Lalsangvunga te In chu leiminin a hnâwl a, mi pahnihin nunna an chan.



Thudawnnain a tarlan danin, Leiminin an in a hnawl hnu hian Pu Sangvunga leh a fapa Lawmsanga kum 21 chu dam takin anmahniin an lo chhuak a, a nupui, Pi Chawngpari kum 51 leh an tunu Malsawmtluangi kum 6 erawh chu JCB nen tan lak hnuah hmuh an niin chhan hman an ni ta lo. Nu ber leh an tunu hi ruahsur tam lutuk hlauvin, an in hnuai zawkah an mu a ni.

Vawiin ni 9.10.2021(Sat) dar 11AM ah Hospital Area Branch YMA Hall-ah Bialtu C.O. Major R. Zahluna'n a vui ang.

Post a Comment

0 Comments