Aizawl | October 25, 2021: Mizoram Police chuan vawiin khan ralthuam phochhuahna hun hmangin tlawhtute'n an hlut hle.
Mizoram Police chuan Police ram tana nun pete hriatrengna ni, "Police Commemoration Day 2021" denchhenin mipuite hnena ralthuam phochhuahna hun (Weapons Display) vawiin October ni 25 (Thawhtanni) dar 11:00 AM – 3:00 PM khan G.S. Arya Mess, Police Headquarters (PHQ), Khatla, Aizawl-ah a buatsaih.
He hunah hian Mizoram Police-in ralthuam a neih zinga ṭhenkhat en theih tura phochhuah niin mi 200 chuangin an tlawh a ni.
Hemi bakah hian, Vawiin October ni 25 (Thawhtanni) Dar 2:00 PM khan 1st Bn. MAP Band Party ten Sikulpuikawn-ah Police Commemoration Day 2021 denchhenin mipuite hmuh turin ‘Band Display’ an nei leh bawk.
Post a Comment
He post chungchanga i ngaihdan lo sawi ve rawh: