INTERNATIONAL DAY OF THE OLDER PERSON HMANG

Aizawl | october 1, 2021: Vawiin October ni 1, 2021 (Zirtawpni) hi International Day of The Older Persons, Upate Ni a ni a, he hun hi khawvel hmun hrangah a remchan dan anga hman thin a ni. 


NHM hnuaia National Programme For Health Care of Elderly (NPHCE) bultumin hrileng karah Sawrkar SOP zulzuiin RB McCabe Hall, Aijal Club ah hemi pual hian hun hman ve leh a ni a. Dr. Jeremy L. Pautu, State Nodal Officer (SNO) in programme a kaihruai a, Dr. Eric Zomawia, Mission Director, NHM in kum upa sawm bik kalkhawmte hnenah thuchah a sawiin Mizoram Upa Pawl aiawh PuLalhuapzauva, President in thu a sawi bawk. 

Hemi hnu hian Dr. Martin Chawngsailova, State Programme Coordinator, NPHCE hnenatangin International Day of The Older Persons lo pian chhuah dan te, kumin thupui “Digital Equity For All Ages” chungchang te ngaihthlak a ni a. Pi Vanlalzari, Legal Consultant, NTCP hnen atangin dan lam atanga Upate chanvo leh dikna chungchang thu bengvarthlak tak ngaihthlak a ni bawk a. 

Tin, kumin  thupui denchhenin Digital Platform chungchanga tunlai khawvel thiamna lo thang zelah Social Media te leh Online apps chi hrang hrangte hi kum Upate pawhin an hmang ve thei a, khawvel thiamna milin hun an la hmang thei a ni tih chungchang thiam takin PuLalengzuala, Informatics Officer, ICT Deptt. hnen atangin  ngaihthlak a ni bawk a. A tawp berah Cybercrime – online thil hrang hrang hmanga inbumna emaw, inrawkna emaw laka upate an inven theih dan tur Pu MS Dawngliana, Inpector, Cyber Police Station, CID Crime hnen atangin ngaihthlak a ni.

Post a Comment

0 Comments