INDIA SKILLS 2021 REGIONAL-AH MIZORAM AIAWHTE CHE THA

Aizawl the 25 th October, 2021 : Labour, Employment, Skill Development & Entrepreneurship (LESDE) Department chuan Mizoram aiawhin thalai 15 kum 23 hnuailam India Skills Competition, Eastern Zone, Patna, Bihar khawpuia October 20-23, 2021-a neihah a tir a. He Competition-ah hian trade 42-ah inelna neih a ni a. Mizoram atangin LESDE Official 4 leh competitors 15 kalin, inelna trade 11-ah telin trade 9-ah National Level an tlang. 

Gold Medal 3 leh Silver Medal 6, trade 6 atangin an la. Trade 3 ah erawh inelpui tham competitors an awm loh avangin walkover-in National Level an tlang thung. Mi 15 ah hian 12 te chu National Level a tel turin thlan an ni. Mizoram aiawha kal lawmman dawng te chu heng te hi an ni :-

Bakery

1. Lalramtluangi (GOLD)

Medal + Citation + 21,000/-

2. Deborah Lalnunsiami (SILVER)

Medal + Citation + 11,000/-

Fashion

3. Lalnunfeli (GOLD)

Medal + Citation + 21,000/-

4. C Lalfakzuali (SILVER)

Medal + Citation + 11,000/-

Hairdressing

5. Jenny Lalbiakpari (SILVER)

Medal + Citation + 11,000/-

Hotel Reception

6. Lalrintluanga (SILVER)

Medal + Citation + 11,000/-

Painting & Decoration

7. Samuel Lallawmzuala (GOLD)

Medal + Citation + 21,000/-

8. Daniel Lalrinchhana (SILVER)

Medal + Citation + 11,000/-

Welding

9. Lalruatpuia (SILVER)

Medal + Citation + 11,000/-

Floristry

10. Maximus Lalruatkima (Walkover)

Citation + 5,000/-

Plumbing & Heating

11. Albert Lalfakawma (Walkover)

Citation + 5,000/-

Carpentry

12. Lalrothara (Walkover)

Citation + 5,000/-.

National Skill Competition hi December thlaah Bengaluru ah neih leh a ni ang. Trade 2 ah Mizoram chu a tlang zo lova, mahse kan competitors te an thiamzia an hmuhin Company thenkhat ten an company a thawk turin hna an offer nghe nghe a ni.

National Level a tlang te chu nakum 2022-ah World Skill Competition Shanghai, China ah India aiawhin an tel ang. LESDE Department chuan World Skill Competition, Shanghai-ah hian Medal lak ngei tumin theihtawp chhuah an tum. Kumtinin lehkhathiam tamtak thangtharte zingah an chhuak zela, sorkar hnain a daih si lova. Heng thangthar lehkhathiam fel tak takte hi an thiamthil (skill)  hmang tangkai thei turin LESDE Department chuan tan nasa takin a la dawn a ni. Skill Development Revival Mizoramah thlen tir turin LESDE Department chu a in sang mar mek a ni.

Mizoram team te train ticket an hmuhloh avangin Patna-ah ni khat an cham khawtlaia, Pu Robert L. Chongthu IAS Secretary to Governor, Bihar chuan lo buaipuiin motor 5, security guard nen lo ngaihtuah sakin sightseeing neihpuiin, Nalanda DC in lunch mizo team te tan hian a buatsaih bawk. LESDE Department chu a chungah an lawm hle a ni.

- DIPR