Facebook, Instagram leh WhatsApp a buai

Aizawl | October 4, 2021: Zanin dar 9 vel aṭang khan Khawvel hmun hrang hrangah Facebook, Instagram leh WhatsApp te chu a buai a, hman hlei theih a ni lo.



Heng social media/platform pathumte hi Facebook ta vekin niin hetia a buai ta mai hian a hmun hrang hranga a hmang tute a tibuai a, Mizote pawh a nghawng hle  a ni.

Mizoram-ah pawh zan dar 9 pelh aṭang khan hmun hrang hrangah a buai ṭan nia hriat a ni.


He server buaina vanga social media platform lian pathum buai hi twitter lamah sawiselna leh sawihona a tam hle  a ni.

Hetihlai hian whatsapp chuan hriattiamna an ngen.





India ram sana a zanin dar 9:00PM atang khan Social Media Platform lian tak tak pathum WhatsApp, Instagram leh Facebook te chu khawvel hmun hrang hrang ah hman theih a nilo a, shut down a ni.

Heng Apps pathum te hi Facebook te enkawl a ni a, user ten Twitter ah harsatna an tawh thu hi trend a tam nghal hle. A chhan chiang tak hriat nilo mahse Downdetector atang a landan in Facebook leh Instagram ah 20,000 chuang in buaina an tawk tih an thlen. Facebook website chuan thuchhuah siam nghal in User ten a harsatna an tâwk chu pawi an tih thu an sawi a, siam țha tura an endik mêk thu leh a rang thei ang bera buaina hi chinfel a nih tur thu Twitter ah an tarlang.

India ram ah Facebook hmangtu hi 410 million aia tam kan awm mek. WhatsApp messenger hi 530 million leh Instagram hi 210 million users vêl India ah hian awm mêk anga tarlan a ni.


Mizoram-ah chuan he thil vang hian zanin khan telegram hmang thar an pung hluai!

Post a Comment

1 Comments

He post chungchanga i ngaihdan lo sawi ve rawh: