COVID-19 | Aizawl district chhunga hman tur inkaihhruaina

Aizawl | October 2, 2021: Mizoram sawrkar-in October 3 atanga October 16 thlenga Mizoram chhunga Covid- 19 inkaihhruaina kalpui dan tur inkhuahkhirhna thupek a chhuah behchhanin a hnuaia mi ang hian Aizawl District chhung atan Aizawl DC chuan ruahmanna a siam. He inkaihhruaina-in a sawilan lohah te chuan sawrkar-in order/inkaihhruaina (SOP) a tihchhuah anga kal tur a ni.


Hrileng laka kan him zawknan a hnuaia tarlan te hi zawm ngei turin Aizawl DC chuan mipuite a hriattir a ni.

1. Hnathawhna hmun hrang hrangah leh chetvel naah Mask vuah reng tur a ni a, Covid Appropriate Behaviour (CAB) tha taka zawm reng tur a ni. Sumdawnna hmun hrang hrangah dawr/sumdawnna neitu leh a dawrtu ten Mask tha takin an vuah reng bawk tur a ni a, CAB tha taka vawn a nih theihna turin dawr/sumdawnna neituten ruahmanna tha tak siamin an kengkawh tur a ni.

2. Puipunna hmuna kal ten hri kai lo tur leh midangah hri thehdarh anih loh nan englai pawhin Mask an vuah tur a ni a, midang nen feet 6 tala inhlat in an awm tur a ni. Kutsil fai leh Sanitizer hman an ngaipawimawh bawk tur a ni.

3. Office/hnathawhna hmunah pawh Head of Office/Office hotuten an hnuaia hnathawkten Mask tha taka an vuah a, CAB an zawm/vawn that ngei theihna turin thahnemngai takin hma an la ang a, khauh takin an kengkawh tur a ni.

Khuahkhirhna hrang hrangte
📌 Zirna In 
AMC Area: Zirna In: Hawn phal loh.
Training Institute: A hmuna leng zat chanve (50% seating capacity) luah khatin hawn phal a ni.
AMC Area pawn: District Education Officer (DEO) in hrikai dan dinhmun thlir   chungin ruahmanna a siam anga, DC pawmpuina a la ang.
Chetvel leh hnathawhna ah hian englai pawhin CAB vawn reng tur a ni a, a theih chin chin ah Covid vaccine dose khat tal la tawh ni thei se.

📌Sakhaw Biak In leh Inkhawm
CAB khauh taka  zawm chungin Pathianni/Sabbath ni chhunah Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing tawngtai inkhawm pawh phal a ni.
Kohhran Inkhawmpui chhun lamah neih phal a ni. Inkhawmpui neihna hmun Biak In-a leng zat chanve (50% seating capacity) emaw mi 200 aia tam lo (a tlem zawk zawk) tel phal a ni.
Inkhawmna ah hian zai phal a ni lo.

📌 Inneih Inkhawm leh Mitthi Vuina
Inkhawm neihna hmun-a leng zat chanve emaw mi 50 aia tam lo (a tlem zawk zawk) phal a ni. Ei leh in sem phal a ni lo.

📌 Picnic Spots
CAB uluk taka zawm chhungin hawn phal a ni. Tum khatah mi 50 aia tam punkhawm phal a ni lo.

📌 Public park
AMC Area: CAB uluk taka zawm chungin public park awmna LLTF-te phalna a hawn phal a ni.
AMC Area pawn: VLTF ruahmanna angin

📌 Mipui punkhawm- anniversary, birthday, adt.
AMC Area: Punkhawmna tur veng LLTF te remtihna nei tan phal a ni.
Punkhawmna hmuna leng zat chanve emaw mi 50 aia tamlo (a tlem zawk zawk).
Ruai buatsaih phal a ni lo.
AMC Area pawn: VLTF ruahmanna angin

📌 A huhova pawn chhuah (Lui kal, trekking, hiking, adventure sports, adt.)
AMC Area: CAB uluk taka zawm chungin mi 20 aia tam lo tan phal a ni.
AMC Area pawn: VLTF ruahmanna angin

📌 Bungraw Load leh Unload chungchang
AMC Area: Phal a ni.
Curfew period-a bungrua load leh unload ti tur te chuan DC ah ziakin LLTF hriatpuina nen phalna an la tur a ni a, dilna hi Online in - dcaizawlpermit@gmail. com ah dil tur a ni.
Thawktute chet chhuah phalna hi a hranpa in curfew pass, a chunga bungrua load leh unload permit upload telin DC atang vekin he link  atang hian an la lehbawk tur a ni- curfewpass.ssdd.in. Tin, loh theih lovah chauh    bungraw load/unload permit hi dil tur a ni a, Permit pekte pawhin bungrua load leh unload chhungin bungrua an hralh tur a ni lo.
AMC Area pawn: VLTF ruahmanna angin.

📌 Damdawi dawr
AMC Area: Hawn phal a ni.
AMC Area pawn: VLTF ruahmanna angin

📌 Hawkers stall
AMC Area: Hawn phal a ni.
Zing dar 5:00 leh tlai 6:00 inkarah hawn theih a ni.
AMC Area pawn: VLTF ruahmanna angin

📌 Tourist Lodge, Hotel, Homestay leh khualbuk dangte
AMC Area: Hawn phal a ni.
AMC Area pawn: VLTF ruahmanna angin

📌 Restaurant
AMC Area: Hawn phal a ni.
A hmuna leng zat chanve (50% seating capacity) chin phal a ni.
AMC Area pawn: VLTF ruahmanna angin

📌 Eichawp dawr
AMC Area: Hawn phal ani.
Zing dar 5:00 leh tlai 6:00 inkarah hawn theih a ni.
AMC Area pawn: VLTF ruahmanna angin

📌 Bazar leh dawr hawn dan
AMC Area: Hawn phal ani.
Zing dar 5:00 leh tlai 6:00 inkarah hawn theih a ni.
AMC Area pawn: VLTF ruahmanna angin.

 

Post a Comment

0 Comments