A nau a chhanna lamah tleirawl tui-ah tlahlum

Aizawl | October 13, 2021: Nimin piah October 11, tlai dar 4:30 vel khan Sunhlu lui, Damparengpui khaw bulah Melody Lalremruati (17) Khawhnai khua chuan a nau tuitla a chhanna lamah a nunna a chan.



Thudawn danin Melody Lalremruati hi Cl-XI zirlai a ni a, a pa in a boral san tawh. Zirna avangin an a nu hoin an nufa thumin W. Phaileng Dintharah mi in luahin an awm mek a, Presbytery inkhawmpuia an chhungte, upa chatuan ram pan tawh sunna hun hmang turin Dampa Rengpuiah an kal a, nimin khan an haw tur Damparengpui leh W. Phaileng inkar Sunhlu luia an nufa 3 an inbual tur chu, Melody nau kum 7 mi chu tuiah a tla ta a.

Melody leh a nu chuan theihtawp chhuahin an chhan hram a, anmahni chu luiah chuan an talbuai ve ta thung a ni. Melody pu kawngpuia motor sil mek chu an nau (tui tla an chhan) chuan a au va, Melody pu chuan Melody nu chu a chhan hman a, Melody erawh a chhan hman ta lo a ni.



Melody ruang hi W. Phaileng Dinthara an inah lain hunserhte hman a nih hnuah an khua Khawhnai panpui a ni a, vawiin chawhma dar 10-ah vui a ni ang.

Post a Comment

0 Comments