THIN TIRIM TEST CHHE MI !!

- David Sailo

Test chhe mi mai a nilo, chhe lutuk RAgT Test min rinrawl tir lui ṭang a, kan mithiam te chu hreh tak chungin RAgT Test rintlak zia kan puan tir a, vawiin hi min puan thlen pui ta a ni!!

All India ah Kristian tamna, Kerala leh Mizoram chu hri do kawngah ringlo mite zui tlak loh ber, entawn tlak loh berah min chhuah a, Hindu hruaitute lalna ramah School an kal mup mup tawh laiin MKHC huaihawt ṭawngṭairualna pawhin hna a thawk hlei thei lo!! Khawpuiah School Uniform ha ve thei tur tal pawhin kan ṭawngṭai chhuak zo lo.

Heti chung hian High Court meuhin Pressure a pe chung pawhin Budget sawk hek mang lova kalpui naw naw dan kan ngaihtuah a, CHUNGLAM a inrawlh a, malsawm leh chhanchhuah tlak khawpin kan do ve lo tih min hailan sak a tum a, mualpho tur ang ang mualpho tir a tum mek zawk a, thiamna a pek mihring te aia MKHC rawtna vela kan kal vang khan MKHC ṭawngṭairual Programme a ṭawngṭai duh loh phah mihring kan pung zawk!!

Kan bulhnai lawk State, kan en hniam ve ṭhin leh min chung en thin tuten hmasawnna ah raltiang an kai a, hri do kawngah awmze neiin an pen a, keini ve chuan mipui ṭanpuina (Relief Fund) hmangin, neihsa (Budget) hmang ui em em, hmasawnna hna dang thawh sawi tur nei mang si lovin min kalpui naw naw a nih hi!!

Mipui vêk min Duty tir a, Section YMA thlengin thawhkhawmin midang ṭanpui kawngah kan luangchhuak a, hri dovin, hrui pawtin tlawmngaiin kan Duty a, kan Positive zui a, mi hmaisen leh demna kan dawng a, Training ṭha dawng lovin mawhphurhna min ken tir a, sum awm lovin harsate min suttir a!! Pekkhawma in nghat turin Task Force min din a, Sorkar inkuangkuah leh a ngaihna hre lo zar zovin Task Force in an tuar mek a!!

1st Wave eng tin tin emaw kan sutkian laia Sorkar in thawk a lak ve laiin PAHOSS leh Rawmi Tender vel kan buaipui a, hri lo kal leh tur leh Ram hmasawnna kan sawi kaiin kan ruahman pha lo. Cable Car atangin Kawngchhawngah, kawngchhawng atangin LEIVERH chu suangtuahna ramah min luhpui leh a, duh duh an sawi a, duh duh an ti a, hri erawh a pung thur thur a!!

Sumtuak nan min hmang emaw tih mai awl tak a ni tawh. Positive kan neih tam te, Red Zone leh Restricted Area kan neih tam vanga ṭanpuina lo kal îta min do pui mai mai a nih phei chuan ICU khum indaih lo leh ṭhalai tak tak ICU a awm, thihna hial tawk mekte Thlarau hian sawi tur neiin Chunglam thununna hi kan la tawngbaw zel ngei ang!!

Chunglam kan ngaihtuah thleng pha duh lo a nih pawhin kan hruai, Mizo mipuite tawrhna avang tal pawh hian hna zo lo, mawhphurhna hlen lo, kawng chhe tak mahni hnampuite zawhpui mek, Record chhe tak hnutchhiah, kal leh dan tur pawh hre tawh chuanglo, thlir ho satliah zut mai nih ai chuan BANG vang vang se an hmingṭha zawk ang. 

Bang turin hri len laiin kawngzawhin tuman an nawr dawn lo. Hming bula Dr dah thei khawpa mithiam kan nih chuan kan tlin loh zia, kan hruai zawh loh zia, Zoram mipui kan tih mangan zia, an eizawnna kan rehpin nasat zia, hri a kiam loh zia te hi chhut neuh neuh sela, David Sailo in a nawr vang ni lovin RAM hruai tura ke pen chhuak meuhin hruai ngaihna a hriat tawh loh emaw an hlawhchham der a nih chuan mimawl anga nawr vak ngai lovin MITHIAM nihna vang zawkin bang sela, puan tur a awm a nih chuan puang mai tawh rawh se!!

Mi thiam lo, mi mawl, a ngaihna hre hlek lo, Mahni Sorkar ah pawh tlatlum lo, Budget pawh sawk hek thei lo, Result ṭha min pe thei lo, khawl rintlak min hlui thei lo, ICU khum pawh ti pung thei lo, mahni mimal sumdawnna ṭhang ur ur si kan hmuh hian kan lungawi tawh lo a ni e.!! 

"Mithiam nge MI MAWL in nih" tih hi kan lo thlir e.

22nd September 2021

(David Sailo thuziak social media a a darh ang angin kan dah e,)