TharThilThlenTu centre hawng

Aizawl | September 9, 2021: Vawiin chawhnu khan TharThilThlenTu, Entrepreneurship & MSME Support Center, Mission Veng-a mi chu Labour Employment, Skill Development & Entrepreneurship Department Director, Pu K. Lalhmingliana’n a hawng.


Khuallian Pu K. Lalhmingliana chuan Skill Development leh Entrepreneurship chawikangtu tur Center thar, Mizo thalaite siam ngei din a lo ni ta chu lawmawm a tih thu a sawi a. Min hualtu ramdangte’n min beihna ber chu Skills leh Entrepreneurship a ni a, nasa taka hetiang lama kan tan chuan engtikah mah Mizoram hi min chhuhsak lovang a, ramdang mi, dan lova lo lut thin te pawh heng hmang bawk hian kan nawr let thei a ni, a ti.

Pu LTL Fela, Chairman TiLi Centre chuan, Tharthilthentu in a tum ber chu Mizo thalaite mahni kutke a kan din theuh theihnan a rem dan apianga in tihchaktawn a ni, a ti.


TiLi Centre ah hian thalaite'n intihhmasawnna atana an hman theih tur Learning Space te, Mizoram a la awm ngai lo – private office mamawhte inhman tawm theih tur, Co-Working Space te, Training center leh Meeting room hman hawh theih tur te leh Startup company tharlam te enkawlna hmun Incubation center te a awm a. Mahni mamawh dan a zirin - Business & Management consultation te, thiante nen a inkawm theih bawk ang.


TharThilThlenTu hian Mizoram a Startup Investment Reality Show hmasa ber "Chengrang leh Ngenmu" an buatsaih bawk a. Mizorama mihlawhtling hmasate'n bul tan ve mekte an puih theihna tur niin, he ennawm kaltlang hian Investor-te leh entrepreneur-te'n thawhhona an siam thin a ni.

TharThilThlenTu Center hi Upa Dr Tawnenga'n tawngtaina in Pathian hnena hlanna hun a hmang bawk.

Post a Comment

0 Comments