Thalaite lungdum tur Mizo film thar 'Thian Lungdum' September 10-ah; Official Trailer zanin-ah tichhuak!

 

Aizawl | September 2, 2021: Mizo film thar 'Thian Lungdum' chu en theihin tihchhuah a ni thuai dawn niin EXPLOREMIZORAM.COM chuan thu a dawng.


He film thar hi Covid-19 Boruakin zia lam a pan theih loh vangin Internet kaltlangin 'Duhaisam' fim angin Pay per view anga kalpui leh tur niin thu dawn a ni a, September 10 hian tihchhuah tum a nih thu director H Lalsangzela (Mike-a) leh a changtunu Alice chuan EXPLOREMIZORAM.COM  an hrilh.

Thian Lungdum Trailer:




He Film hi a bikin thalaite ah thian anga bul tan theilo mahse in hmangaih ru em em si te tan a hlut leh zual a beisei thu an Director Mike-a chuan a sawi bawk.

changtunu - Alice Rini

Mizo Film thar "THIAN LUNGDUM" hi Zote Entertainment Production kutchhuak niin Orphanage Picture bakah Lunglei lam thalaite nen thawk hova buatsaih a ni.

Director, Script writer & Actor - Mike

He film hi JH Peka hla 'THIAN LUNGDUM' tih hla behchhana buatsaih a ni. 'Thian Lungdum' hla hi JH Peka sak leh phuah a ni.

A hla chu:


He film Script hi H Lalsangzela (Mike-a ) ziah niin ani hian a direct bakah he Film ah hian a inlan ve nghe nghe. JH Peka chuan he hla 'Thian lungdum' hi a tak tak behchhan (Based on True Story ) a nih thu a sawiin he Film ah hian Screenplay lam a buaipui bawk.

Changtupa - Uriel Chhangte



Changtupa thianpa - Pca 

Promo Vid:

A THAWNTHU CHU:
A film hming ang hian ṭhian leh ṭhian inhmangaih tak leh inngaina em em mahse Thian anga bul an tan a vanga a tawp dan khar fuh theih loh lai kara mi dang an rawn tlakzeh tak a vanga an inhmangaihna parchhuak zo ta lo, induh leh inhmangaih tak, inthlahlel em em si a, an awmdun theih loh lam chanchin niin Romantic, Comedy, Tragedy a rawn fuankim hle dawn a ni.

JH Peka

CHANGTUTE LEH SHOOTING DAN:
He film-ah hian Thian Lungdam hla Music video-a Model Uriel Chhangte (Joseph C. Lalrotluanga ) chu a Film ah pawh changtupa niin Film leh music video lam a kan lo hmuh fo tawh Alice Lalrintluangi chu changtunu niin an ni hian hnehsawh takin an rawn chang dun dawn a ni.

Rempuii
 
Film leh Modeling lama kan hmelhriat tawh te, Zaithiamte bakah kan la hriat loh hmel thar tam tak inlanin C Muana, Rempuii Ralte kawlni, Pc-a, Ms-i leh Esther Lalnunmawii te an rawn inlan tel dawn a ni.

Msi

Lunglei Videographer thiam tak mai Sammie Pachuau chu Director of photography a ni a.

Sammie Pachuau

He Film hi Lunglei lama Shooting niin Shooting hi a hau tak in an beingawrh hle a, Shooting lai hian dam loh phah pawh an awm hial a ni. 

Misualpa - C Muana

He film a Zai zawng zawng hi a Film a changtute hla sak leh anmahni phuah tak tak vek rawn hman a ni dawn bawk a ni.






















Post a Comment

0 Comments