COVID-19 | Online-a RT-PCR test result en theihna hawng

Aizawl | September 13, 2021 : Vawiin chawhma dar 11:30 khan Zoram Medical College Director Dr. John Zohmingthanga chuan, 'Online RT-PCR result portal chu ZMC Library-ah a hawng.




He online RT-PCR result portal hi www.zmcvrdl.com atanga luh theih niin, ZMC OPD-a sample lakte result download theih tura chhawp chhuah a ni. Hemi portal-ah hian SRF ID, sample lak ruala SMS-a lo thleng chu chhut luha, result download theih a ni ang. He portal hi a bik takin zin vei vah nana negative certificate mamawh te tan a tangkai hle tura beisei a ni. Hmun danga sample lakte result erawh he portal hian a huam rih lo ang a, hmun danga sample lak te result pawh hi huam thei tura buatsaih mek a ni.

He portal hi Lailen Consulting Pvt. Ltd. te buatsaih niin, anni hian server hosting hi a thlawnin an pe a, result buatsaihtute hman tur computer pakhat a thlawnin an pe tel nghal bawk a, an chungah Zoram Medical College hotute leh thawktute chu an lawm hle a ni.


A tih dan tur:
  • Search your RT-PCR test result by SRFID
  • ( SRFID SMS i dawn kha chhu lut in i test result zawng rawh le. )
  • Click on  to view or print test result
  • Click on  to download test result

Post a Comment

1 Comments

He post chungchanga i ngaihdan lo sawi ve rawh: