MZP Hnahthial-in raltlante ṭanpuina hlan

Aizawl | September 21, 2021: Mizo Zirlai Pawl (MZP) Headquarters Hnahthial ten nimin khan Hnahthial District chhunga Burma buaina vanga raltlan awmna New Ngharchhip, Ngharchhip leh Thingsai khua ah te ṭanpuina an hlan.

a dawngtu hi naupang a nih vangin a hmel hi kan tiblur chawp a ni e - EM


Thudawnnain a tarlan danin, MZP Headquarters Hnahthial hian New Ngharchhip ah hian ₹10000 hlanin New Ngharchhip VCP leh Help Myanmar Refugee Comittee Chairman ni bawk chuan dawngin, New Ngharchhip Branch MZP te kutah hian bucket, insukna Brush, Stayfree leh bungraw thenkhat dahin an niin a mamawh tute hnenah an lo sem dawn a ni. New Ngharchhipah hian Burma raltlan mi 460 vel awmin chenna in 100 vel a awm bawk a ni.


Hemi hnu vek hian Ngharchhip khua tlawh leh in VCP Pu Zonunmawia Chinzah in lo dawngsawng leh in tanpuina ₹6000 hlanin, Ngharchhip VC record atanga a lan danin  ngharchhip ah hian tun dinhmunah in 55 awmin raltlan 150 an awm mek bawk a ni. MZP te hi VC member-te bakah VLTF hruaitute'n an lo dawngsawng a ni.

Nimin tlai lam dar 2:00 khan Thingsai lama Raltlante ṭanpuiturin kal leh nghal ani a, Thingsai khaw VCP leh member te leh NGO hruaituten MUP Office ah lo dawngsawng in, Thingsai ah hian tun dinhmun ah Raltlan mi 862 an awm mek a, Vawiin lamah mi 9 an lo thlen belh leh tura report an dawn thu an hrilh bawk a ni.

Nimin a MZP Fehchhuak te hi an president K Lalzarzova'n hoin, OB te leh Executive Committee Members te nen an vaiin mi 13 an kal a ni.

MZP Hqrs Hnahthial Secretary Jimmy Lalrosanga chuan tunlai hrileng vanga fimkhur a ṭulzia sawiin, Hnahthial lam aṭanga kal tur te pawh Ragt Test an neih thu leh Negative Certificate an neih thu sawiin, Hnahthial District chhunga kan unau sahimna zawnga lo kal te  tan hian an mamawh leh an harsatna te MZP hruaitute hnena thlen ve zel turin leh ṭanpui an ngaih kawnga puih an in huam reng thu a sawi bawk a ni.

Post a Comment

2 Comments

He post chungchanga i ngaihdan lo sawi ve rawh: