Aizawl | September 15, 2021: Mizorama Korean Boy band iKON ngainatute intelkhawm 'Ikonic Mizo' chuan iKON kum 6 tlinna pualin vawiin khan Zoram Medical College (ZMC) a hri vei enkawl mekte tan ṭanpuina an hlan.
Ikonic Mizo/Mizo Ikonic hian an theih ang angin sum an thawhkhawm a, heng an sum thawhkhawm tlingkhawm cheng 21,500 hi ZMC a dam lo enkawl laite ṭanpui nan an hlan a ni.
Heng an sum thawhkhawm hi vawiin khan an hlan a ni.
iKON hi south Korea boy band niin, 2015 a YG entertainment-in an din a ni a. Tunah hian member paruk niin; Bobby, Jinhwan, Ju-ne, Yunhyeong, Donghyuk leh Chanwoo te an ni.
Ikon hi a tir chuan mi pasarih niin, 2019 khan an member zinga pawimawh tak mai B.I chuan a chhuasan a ni. Ikon fandom zinga mi Ikonic Mizo/Mizo Ikonic chuan an ngainat Ikon debut kum 6na pualin vawiin khan ZMC a hripui vei enkawl mekte tan an luangchhuak a ni.
• Mizoram a Korean ngaisangtute'n an sam rawng leh inchei dan ringawt en lova, an thawhrimna leh tumruhna te entawn a, thil ṭha tih an intihhmuh zel hi a ṭha hle a ni.
Post a Comment
He post chungchanga i ngaihdan lo sawi ve rawh: