EXO Kim Jongdae piancham pualin tanpui ngaite tan 'Mizoram Exo - L' luangchhuak

Aizawl | September 22, 2021: Mizoram-a Korean Boy band EXO tantu/ngainatute 'Mizoram Exo - L'  chu nimin khan EXO main vocal Kim Jongdae piancham pualin mi harsa te tan an luangchhuak.


Mizoram Exo -L hian an neih ang ang atanga an pawisa thawh khawm cheng ₹41,500(sing li sang khat zanga) lai mai chu mi harsate tana luangchhuak thin Zo Inspiration kutah an hlan a ni.



'Mizoram Exo -  L' zinga Zorini chuan,  "Mizoram hmun hrang hranga Exo-L ten kan theih ang anga kan thawhkhawm a ni a, a then chuan an neih zawng zawng cheng 40,  cheng 50 te an lo thawh a," tiin hemi puala sum an thawhkhawm dan a sawi bawk.


EXO hi April 8, 2012 khan SM ENTERTAINMENT atranga debut an ni a, a tirah chuan member hi 12 niin, Chinese pali leh S.Korean pariat an ni.
Mahse 2014-15 khan Chinese member pathum in mimal harsatna vangin group an chhuahsan a, tunah hian EXO hi member pakua an ni mek.

A piancham an lawm tak KIM JONGDAE hian nupui leh fanu pakhat a nei tawh  a, tunah hian South Korea danin a phut angin sipaiah a lut mek a, Jongdae mai bakah hian EXO Leader Suho, Baekhyun leh Chanyeol te pawh  sipai tang lai mek an ni.

Kumtir lamah khan EXO member zinga a upa ber Minseok leh vocalist Kyungsoo te pawh an sipai tan hun hmang zo in an chhuak fel ve tawh a, tihian a noauang pahnih KAI leh SEHUN chiah government service hmachhawp an ni ve tawh a ni. 

EXO hi 2012 atranga 2017 vel thleng khan an ram mai bakah ASIA ah chuan TOP an ni a, S Korea's representative idol group leh NATION's Pick title pek hial an lo ni tawh.  June 30, 2019 a US President Donald Trump-in S Korea a tlawh tum pawh khan Blue House (South Korea Presidential House - South Korea-a an White House ve a ni mai e) a Korea Representative ni turin S Korea President Mr Moon Jae In a'n mimal takin EXO hi a lo sawm tawh a ni.


  • 2014 khan Asian Games khuh hawngtu an ni a, National Event hrang hrang-ah NATIONAL ANTHEM sa turin member BAEKHYUN vawi eng emaw zat an lo  thehchhuak tawh.
  • 2017 khan Prime Minister's Commendation award at the Korean Popular Culture & Arts Awards an lo dawng tawh bawk a ni. He award hi an culture leh K-pop  promote na kawnga an thawh hlawk em vanga chawimawina a ni.
  • 2018 khan Winter Olympic Closing ceremony khuh hawngtu an lo ni tawh.
  • 2017 tho hian Korea-China Economic Partnership' opening ceremony ah Soth Korea President Moon Jae In an lo tawiawm tawh. 
  • 2018 khan K-POP a hmasa ber ni turin S Korea sawrkar atangin Commemorative Medal an lo dawng tawh bawk a ni.
Tichuan sawi hmaih rual loh, Dubai a building pui em em BURJ KHALIFA LED building a Arab Royal te tih loh a video chhuah sak hmasak ber an ni a, Dubai Fountain a Michael Jackson leh Whitney Houston dawtah artist hla play hmasak ber ni turin EXO hla 'POWER' chu thlan a ni bawk.

3 Comments

He post chungchanga i ngaihdan lo sawi ve rawh:

  1. A ropui hle mai
    Midang tanpui thei a kan awm hi a lawmawm hle ani
    A hmang tu tur ten tangkai taka an hman kan beise in
    A thawhtu zawng zawng te a let tam takin pathian in malsawm rawh se

    ReplyDelete
  2. EXOL te fandom puitling an nihna an rawn tilang e,a lawmawm hle mai..Charity lamah an idol EXO hnungzuia EXOL te tang nasa zual zel turin duhsakna ka hlan e..

    ReplyDelete
  3. A van ropui tak...mittui a tla reng mai

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post