COVID - 19 | KAN CHEN HO A NGAI TA TLAT!

- C Lalthazuala

Nitinin mizoramah hrikai kan tam rih hle mai. 

Kha  chen kan in lockdown a. State dang neih ve loh LLTF/VLTF kan nei bik leh nghal a.. India ram state zawng zawng zawnga hrikai leh thi tlemna state kha a population based a a kai tamna kan lo ni ta a.


EXPLORE MIZORAM hi mi dang i lo hmelhriattir zel dawn nia!

 Khawvel  history-ah hripui a lo leng fo tawh ṭhin a. An lo in lockdownin mask te pawh am lo hreng ve fo tawh ṭhin a. Hripui hi dan tak te a dan chi a ni lo, tih a chian bakah kan lo tikhawtlai(delay) mai mai zawk niin a lang.. 


Hmanlai phar natna ang maia thinhrik leh ṭihbai em em tur khawp a sawrkarin mipuite nasa lutuka a aware pawh hi chin tawk neih a ṭha ta hle mai. kan hlau nasa lutuk leh lu lai ta em mai.

Khing figure tam tak rawn chhawp chhuahah khian a tam daih zawk, 97,98,% vel an dam leh ngei dawn a(Chu chu a hma a dam a chhuak leh hrikai tawh zat aṭanga tehin a ni). SOP te pawh hi zalen deuh hlek a kalpui leh zual a hun  ta hle. Zalen deuh hleka kalpui dan tur chu sawrkarin thiam takin a ngaihtuah chhuak tur a ni a. A mawhphurhna pawh a ni.

Mass test kan nei hum hum a.Frontline workers, home quarantine leh rinhlelh test tu Aizawl khawpui chhungah Team 2 vel chauh awm siin an indaih tawk lova, an hah leh lutuk nen, Thawktu emaw, Volunteers emaw lak belh tam tawk silovin mass test han neih hem hem maite pawh hi engtinnge an ngam zawk ni?

Englekhawle, Hei chen hripui chu mizoram leh mizoram sawrkar chuan a lo hmachhawn ve ta a. Fimkhur tluk chu a awm lo e.Kan him theihn tura mimal tinin kan mawhphurhna, Mask vuah/ phelh fo loh, Social distancing,  Sanitizer a kut sil, tih kan zawm ṭha chung chunga..khawvelin a hmachhawn fo hripui......Pathian hre lo, Pathian diktak be ve lo nia kan sawite ai mah mah a kan hlau uchuak leh, kan inkhuahkhirh nasa a a sawt chuang silo lai erawh hi chu.....ngaihtuah chu a ti thui a ni.

Khawvel doctor thiam tak tak te pawh, mihring an thuhmun fo thei lo...ti a Bible ngeiin a lo sawi angin an ngaihdan a phir a inangl lo fova. Coronavirus pendamic chu Endemic ah a tlahniam ṭan mek tawh niin Khawvel medical scientist te chuan an ring tawh a.Third wave nasa taka a rawn thlen leh emaw, third wave a tan a he natna hrik insiam danglam(mutation) hi a awm an ring lo a ni. Delta variant chu vaccination lak pawn awmzia a nei dawn lo anga sawi te chu thil belhchian dawl lo niin an sawi.

Vaccination first dose la chu 30%-in covid 19 hrik lakah a him ni-ah IMCR in a ngai a, Full dose la phei chu 80- 90% velah a him niah a ngai a. Tichuan Mizorama chhiarpui hnuhnung ber behchhan a chhut chuan mizoramah nuaih 10 deuh thawin vaccine first dose an la tawh a. chutiang   nih chuan kan kalphung chu her danglam chu a va ngai tawh ve aw?

Ram leh hnam hmalam hun tur leh Pi pu ten hripui  chu ṭampuiin a zui a, tiin hripui len kum dawt chiah, a zuitu kumah an thlawhhma hak an zauh ṭhin. Hripui zuitu ṭamna leh hnathawh tur neilo punna lo thleng tur leh, sawrkarhnathawh hlawh, kan mizoram a sum che vel lian ber baka sumdawng ho sum vaivir awm ze nei miah lova tikhaih lakin tuman hna thawk thei lek lova khawvel a lockdown rei ber mizoramah a awm chungin khua ruat a hri lo leng na na na chu a dan pin theih tak tak loh tih chu mizoramah vek hian a chiang viau a ni lawm ni.?


Kalphung thlak ngam chu   ngai ta a ni.

Khawvel chanchinah hrileng rapthlak tak tak a lo awm tawh ṭhin a.Hmanlai a civillisation ropui tak tak tluchhe ta te kha indona a hnehlotu vang an nih vang nilovin hripui vang a nih ve fo theih thu khawvel historian te pawn an sawi/ziak chawk a ni.

Mizoramah ngei pawh he hripui avanga nunna chan mi 248 lai mai an lo ni ta, a rapthlakin chhiatna tawk chhungte an lainatawm tak meuh meuh a ni. vanduaina tawk chhung te tan mizorama kohhran hrang hrangte pawh kan ṭawngṭai nasa bawk ngei ang.

Amaherawh chu he hripui hlauh ringawt inzirtir a , ṭihbai leh hripui laka inthiarfihlim tur ringawta inzirtir a nasataka rampum huap a inkhuahkhirhna kalpui chhunzawm reng ai chuan he hripui, natna benvawn nei lo, mi tam takin Symptom pawh nei mang lova an damchhuah pui leh tho nen a chen ho dan tur ruangam duan chhuah leh, sawrkar hnathawk hlawh nilo, mizoram chhunga sum che vel dang a kal ngai a a kal sum a chet vel leh theih tawh dan tur hi kalphung duan chhuah hi tih makmawh a ni ta.


C Lalṭhazuala.

Post a Comment

0 Comments