Aizawl | September 20, 2021: Nimin zirtawpni September 18 khan Thantlang khua(Chin State, Myanmar) chu Burma sipaiten ralthuam lian hmangin an kap a, in a kang nasa hle a, a thelh tura mipui lo chhuakte chu Burma sipate chuan lo pawng kah chiamin inkang thelh tura tlawmngaia lo chhuak Thantlang Pastor pawh an kaphlum a ni.
Thantlang in hi in 20 zet a kangfai vek a, mittui nen mipuiin an thlir liam a ni.
CDF(Chinland Defence Force) Thantlang leh CNA(Chin National Army) tangkawpte chu Burma sipaite nen nasa takin an inkap zui a. Nimin piah dar 10:00am - 4:00pm thleng khan an inkap a. He inkahnaah hian Burma sipai 30 chuang an thi a, CDF&CNA lamah hian thi leh hliam an awm lo niin CDF chuan thuchhuah an siam.
 |
| He inkahnaa Burma sipai silai leh ralthuam an mante chu |
An thuchhuahah chuan -Thantlang mipui chunga sipai tharum thawhna te, zana mikhual dapa mi thawng thawh thut thut te, mipui muanna tichhe zawnga sipai chetna reng reng chu a zung chawpa phawiin kan bei zel dawn tih lo hre rawh se tiin thuchuah an siam a ni.
Post a Comment
He post chungchanga i ngaihdan lo sawi ve rawh: