BCM-in raltlante tanpuina hlan; khaw mipui 490 awmna-ah raltlan 420 chuang awmna khua awm!

Aizawl | September 16, 2021: Baptist Church of Mizoram (BCM) Relief & Development Dept hmalakna in vawiin khan  Hnahthial District khaw hrang hrang pasarih; Tarpho, Khawhri, New Ngharchhip, Ngharchhip, Bualpui 'H', Thingsai leh Cherhlun ah te Relief sem a ni.


BCM Relief & Development chuan tunhnaia Burma buaina vanga raltlante tan tanpuina hi a hlan a, vawiin khan heng tanpuina hi BCM hruaitute a hmunah kalin an hlan a ni.

BCM Relief & Development hian raltlante tan Ei tur chi hrang hrang; Buhfai, Dal, Chini, Tel leh  Sahbawn Pick-up Trip 2 bakah Thawmhnaw (T-Shirt 600), Silpauline 100 leh sumfai te an hlan a ni. 

He hunah hian BCM Associate general secretary- Service (AGS - Service) Rev R Lalbiakliana hovin, R&D Director Lalrinawma, Audio & Visual Manager C Lalhmachhuana, Hnathial North bialtu pastor Rev H Lalfakzual  leh BCM hruaitu dangte an kal niin thudawnna chuan a tarlang.

Tun Dinhmun ah heng khua ah te hian Raltlan mi 1700 bawr an awm mek a, an lo thlen belh mek zel bawk. 

New Ngharchhip ah phei chuan a khaw mipui ngaihtuahin Raltlan an thahnem hle a, khaw mipui 490 an nih laiin raltlan hi mi 428 lai an awm nia thu dawn a ni.

Post a Comment

1 Comments

  1. BCM Relief & Development Department te an ti tha hle mai. An rawngbawlna Pathianin malsawm zel rawh se...

    ReplyDelete

He post chungchanga i ngaihdan lo sawi ve rawh: