WHO India-in H&FW tan puanin tha chi leh thil dang hlan

Aizawl | Augst 12, 2021: Nimin khan World Health Organisation India chuan Health & Family Welfare Department, Government of Mizoram-in COVID-19 dona kawnga a tul anga an hman atan Puan in lian (Hub tent) leh a kaihhnawih thilte a hlan.


Heng Hub tent leh a kaihhnawihte hi Dr.Lalhlimpuii, Surveillance Medical Officer, WHO India chuan Dr.F.Lallianhlira, Principal Director, H&FW hnenah a hlan a. Heng tent te hi 24 square mtrs. leh 42 Square mtrs zeta zau paruk paruk ve ve, a vaiin 12 an ni. Heng Hub Tent pakhat zel hian Khum thleh theih 3 chhawmin, Hospital extension, COVID 19 vaccine pekna, COVID 19 screen-na leh COVID 19 test na atana hman tur a nih bakah District-in COVID 19 dona atana țul a tih angin a hmang dawn a ni. He tent hian Pulse Oximeter, Furniture, BP enna, Thermometer, Solar Lamp te a chhawm nghal vek bawk.

Heng Hub Tent te hi Aizawlah 5, pek niin a dang zawng 7 chu Chief Medical Officer thuthmun District tinah 1 zela pek a ni a. WHO hian heng hmunahte hian an dahsak nghal vek a ni.

Dr Lalhlimpuii, Surveillance Medical Officer, WHO India chuan, "Heng bakah hian WHO chuan inenkawlna mamawh chi hrang hrang tent a hman turte chu Mizoram chhunga lo lei mai turin remruatna a siam bawk a ni," a ti. Dr.F.Lallianhlira PD pawhin WHO India te nen  COVID-19 dona kawnga  thawhhona tha tak an nei chu lawmawm a tih thu sawiin hemi kawnga Dr.Lalhlimpuii hmalaknaah lawmthu a sawi bawk.

Post a Comment

0 Comments