Tlungvel khawtlang tan Dawrpui mipui an luangchhuak

Aizawl | August 16, 2021: Aizawl Dawrpui mipui chu nimin khan hripui vanga inkharkhip mek Tlungvel khawtlang tan an luangchhuak.


Dawrpui Local Level Task Force hi an Chairman hovin mi -11 an thawk chhuak a, an veng chhunga mi thil phal leh thahnemngai te zarah a hnuaia tarlante hmang hian Tlungvel khaw mipuite hnenah tanpuina thilpek an han hlan a ni.


  1) Face Mask - 900 Pcs
  2) Buhfai - 12 bags
  3) Alu - 10 bags
  4) Nutrella - 5 bags
  5) Purunsen - 2 bags
  6) Tel - 10 cases
  7) Chi - 1 bag
  8) Artui - 10 Boxes
  9) Sanitizer - 10Ltrs
10) Walkie Talkie - 2 set. 


Tlungvel khaw mipuite hri kai mi - 36 awm mek in, an khua hi Lockdown an puang tawp a. Chhungkaw tam takin harsatna an tâwk mek a ni.


Dawrpui LLTF secretary K Lalhmachhuana thuchhuahin a tarlan danin, "Kum tir lama Dawrpui mipui tana Thlai thar chi hrang hrang min lo pe tawh tu Tlungvel mipui ten nizan (14.08.2021) khan positive an ngah thu leh an khaw pum an inkharkhip tih thu kan dawng a. Committee-in a ngaihtuah chuk chuk a. Vawiin 15/08/2021 (Pathianni) khan Dawrpui Local Level Task Force Chairman hovin mi -11 an thawk chhuak a, veng chhunga mi thil phal leh thahnemngai te zarah Tlungvel khaw mipuite hnenah tanpuina thilpek an han hlan a ni" a ti.



Post a Comment

1 Comments

He post chungchanga i ngaihdan lo sawi ve rawh: