THUTLUKNA SIAM SUAL I HLAU A NIH CHUAN

- Rick Warren

- 25 August, 2021



"Ama hming avangin felna kawngah te mi hruai ṭhin". Sam 23:3.

A chang chuan thutlukna siam sual i hlau ṭhin a. Chumi avang chuan thawpik takin i awm ṭhin.

Mahse Pathian chuan thutlukna siam kawngah min pui thei. Sam 23:3 a kan hmuh ang hian, “Ama hming avangin felna kawngah te mi hruai ṭhin.” Thutlukna siam kawnga buaina tih kian dan chu Pathian inhruaitir hi a ni.

“Mahse vawi tam tak ka tum tawh!” tiin i inngaihtuah mai thei. Pathian hruaina i dila, mahse i buaina chu a hma zawng aiin a nasa zuala. I la ti fel hlei thei lova, Pathian duhzawng hriat hi a va harsa em tiin i in ngaihtuaha.

Pathian chuan a chhaih kual vel mai mai che em ni? Ni lul lo ve! Pathianin kaihhruai che a duh a ni. Nangman hriat i duh aia nasain a duhzawng hriattir che a duh a ni. Mahse a chang chuan Pathian duhzawng chu hriat i tumna lamah thil ni lo zawk te i en ṭhina. Tu te pawh hetiang hian kan che a ni.

Ṭhenkhat chuan hriatna eng emaw kan zawnga. Ṭhenkhatin inkaihruaina emaw dan zawm tur an zawng bawka. Midangin maksak leh danglam deuha chein Pathian inpuantir kan tum bawka.  

Amaherawh chu heng te hian beidawnnaah min hruai bakah Pathian thil tum min ṭhelhtir thei bawk a ni.    

Pathian chuan chiang lo deuhva i awm a duh lova, thutlukna siam kawngah buai taka i awm a duh hek lo. I ke pen tina ṭanpui tur chein a awm a ni. Ni dangah Pathianin a hruai theih dan tur che kan zir ho dawn a ni.

Hei hi a thutiam a ni a, a dik a ni tih a pawm tlak a ni: “Ama hming avangin felna kawngah te mi hruai ṭhin.”    

Han ngaihtuah la

Pathian duhzawng hriat i tumna lamah eng nge i tih fuh loh – hriatna, dan, thil mak nge thil dang zawk? 

Pathian inhruaitir chu eng nge a pawimawhna chhan? 

Tun thla chhung hian eng thutlukna pawmawh nge siam ngai? Pathianin a hruai che tih i hriat hnu hian engtin nge i buaina chu a kian?

[Lettu: Sangpuia]

Post a Comment

0 Comments