Sumdawng pawl 70 telna MBCC-in Lockdown duh lohna leh mipui tawrhna lantir nan puan dum zar

Aizawl | August 2, 2021: Mizorama sumdawng pawl 70 zet intelkhawmna Mizoram Business Co-ordination Committee (MBCC) huaihawtin vawiin atang khan Aizawl-a lockdown puan chhunzawm an duh loh zia leh mipui tawrhna an duh loh zia lantir nan puan dum an zar.


MBCC hian mipui harsatna tawh mek sawiin, total lockdown chu August 3 ral hma ngeia siamtha turin sawrkar an ngen.

Puan du zar hian mahni in leh a vel, hnathawhna hmun, lirthei leh dawr bakah Aizawl khawpui hmun remchang lai-ah te zar  a ni.

Nimina MBCC meeting chuan, Mizoram sawrkar leh mipuite hnenah ngenna siamin, Mizorama hripui do nan chu ni tin eichawp zawngte rapbet zawnga siam a nih thu sawiin, kum 2020 kum tluan leh 2021 ah pawh ni 109 chuang lockdown a ni tawh chu phurrit a tling a, hei hi mipui leh rethei zawkte rahbehna leh ding chhuak zo tawh lo tura awpbehna niah ngaiin total lockdown chu August 3 ral hma ngeia siamtha turin sawrkar an ngen a ni.

MBCC hian August 3 hnu lama inkaihhruaina siamthat a nih loh chuan engtin nge hma an lak zel dawn tih an tarlang lova, August 2 atanga thu leh awm hma chu puan dum hi zar turin an inngen a ni.

MBCC chuan, awmze mumal nei loa Sorkarin Total Lockdown hmanga mipui leh rethei zawkte min awpbeh chhung hi a rei tawh em avangin kan tlin tawh lo a, kan Loan ba te, kan in luah man te, Tui leh Electrict bill te, Naupang Online Class kal avanga senso tam takte, nitin ei leh in turte nen kan tlin ta ngang lo a ni tih entir nan leh awmze mumal nei lova sorkarin Total Lockdown hmanga min awpbeh leh a tumna hi tuar leh theiah kan ding tawh lo a ni tih entir nan MBCC member zawng zawng sumdawng pawl hrang hrang 70 chuangte chuan Dt. 02.08.2021 zing atanga thu leh awm hma chuan mahni chenna hmun hmaahte, hnathawhna hmunahte leh kan eizawnna Lirtheiahte puan dum emaw flag dum emaw zar vek tur a ni a. Mizoram mipui zawng zawngte pawhin mi rethei leh harsa zawkte tawrhna leh rahbeh an nih avanga an ngenna te min tawmpui turin puan dum / flag dum hi min zarpui theuh turin kan ngenin kan sawm che u a ni, an ti a.

Assam Sorkarin Mizoram mipui zah lo taka kan ram chhung ngeiah Police te hmanga mipuite ti thlabar leh kan huan lo ramte min tih chhiat sak thinte, kan IR Camp hial min hnehchhuh hnu-a Silai an hmet puak zuite hi kan dem tak zet a. Nunrawng taka an chetna avanga Mizoram Police (IR) te leh Vairengte khawtlangin ram leh mipui chhana hma an la hi lawmawm kan tiin kan chhuang hle a. Hemi avanga Mizorama bungrua leh thil dang lut tur reng reng, damdawi leh essential commodities zawng zawng chena Assam sorkarin a dang chat vek hi kan dem tak zet a, Ministry of Home Affairs ah Governor kaltlangin an Assam sorkar chet dan duh lohna hi MBCC chuan a thlen dawn a ni, an ti bawk.




*SORKAR LEH MIPUI HNENA NGENNA*
(01.08.2021)

Mizoram Business Co-ordination Committee (MBCC) Emergency Meeting 01.08.2021 a neih chuan Mizoram Sorkar leh Mizoram mipuite hnenah hetiang hian ngenna a siam a, min tih hlawhtlin sak ngei kan beisei.

1) Sorkarin Covid 19 hripui laka mipuite himna tura ruahmanna a kalpui dan hi nitin eichawp zawngte leh kut hnathawktute tana phurrit nasa thei tur ang bera ruahmanna siam niin a lang a. Kum 2020 kum pumpui deuhthaw bakah kum 2021-ah ringawt pawh ni 109 ngawt mai khuahkhirhna a kalpui hi mipui leh rethei zawkte rahbehna leh ding khaw chhuak zo tawh lo tura awpbehna nia kan hriat avangin tuna Total Lockdown a kalpui leh mek hi ni 03.08.2021 ral hma ngeia siam tha turin Mizoram Sorkar kan ngen a ni.

2) Awmze mumal nei loa Sorkarin Total Lockdown hmanga mipui leh rethei zawkte min awpbeh chhung hi a rei tawh em avangin kan tlin tawh lo a, kan Loan ba te, kan in luah man te, Tui leh Electrict bill te, Naupang Online Class kal avanga senso tam takte, nitin ei leh in turte nen kan tlin ta ngang lo a ni tih entir nan leh awmze mumal nei lova sorkarin Total Lockdown hmanga min awpbeh leh a tumna hi tuar leh theiah kan ding tawh lo a ni tih entir nan MBCC member zawng zawng sumdawng pawl hrang hrang 70 chuangte chuan Dt. 02.08.2021 zing atanga thu leh awm hma chuan *mahni chenna hmun hmaahte, hnathawhna hmunahte leh kan eizawnna Lirtheiahte puan dum emaw flag dum emaw zar vek tur* a ni a. Mizoram mipui zawng zawngte pawhin mi rethei leh harsa zawkte tawrhna leh rahbeh an nih avanga an ngenna te min tawmpui turin puan dum / flag dum hi min zarpui theuh turin kan ngenin kan sawm che u a ni.

3) Assam Sorkarin Mizoram mipui zah lo taka kan ram chhung ngeiah Police te hmanga mipuite ti thlabar leh kan huan lo ramte min tih chhiat sak thinte, kan IR Camp hial min hnehchhuh hnu-a Silai an hmet puak zuite hi kan dem tak zet a. Nunrawng taka an chetna avanga Mizoram Police (IR) te leh Vairengte khawtlangin ram leh mipui chhana hma an la hi lawmawm kan tiin kan chhuang hle a. Hemi avanga Mizorama bungrua leh thil dang lut tur reng reng, damdawi leh essential commodities zawng zawng chena Assam sorkarin a dang chat vek hi kan dem tak zet a, Ministry of Home Affairs ah Governor kaltlangin an Assam sorkar chet dan duh lohna hi MBCC chuan a thlen dawn a ni.

Sd/-
(Lalramsanga Sailo)
Secretary, MBCC

Post a Comment

0 Comments