Mizoram Assembly in MLA Andrew H Thangliana sunna tichhuak

Aizawl | August 17, 2021: Tuirial Assembly Constituency bialtu MLA Pu Andrew H. Thangliana, dt. 17.8.2021 a thih chungchangah Mizoram Legislative Assembly chuan a hnuai ami ang hian sunna thu a chhuah:


Mizoram Sorkar leh Mizoram Legislative Assembly chuan Pu Andrew H. Thangliana, MLA in August ni 17, 2021 zing dar 6:35 A.M ah Ebenezer Hospital, Aizawl-ah min boral san tih a hriat in a ui hle a ni.

Pu Andrew H. Thangliana hi Pu Samuel H. Thangliana fapa niin October ni 4, 1977-ah Aizawl ah a piang a. Zirna lamah chuan Higher Secondary zo in, Indian Institute of Business Administration a?angin Diploma in Business Administration a zir chhuak bawk a ni.


Politics lamah Zoram People's Movement (ZPM) zawmin kum 2018 khan 4-Tuirial Constituency atangin Independent ticket in MLA a thlantlin a ni.

A nupui leh fa 3 a kalsan.
Mizoram Sorkar leh Mizoram Legislative Assembly chuan Pu Andrew H. Thangliana hi a ui tak zet a. Hun lo a tiin ram leh hnam tana hna a lo thaphte a ngaihlu in a chhuang hle a ni.
(No.LA/LIB.9/2014/175)

- DIPR

Post a Comment

0 Comments