ISUAN THUHNUAIRAWLH DAN TUR MIN ZIRTIR

ISUAN THUHNUAIRAWLH DAN TUR MIN ZIRTIR

-       Rick Warren

- 3 August, 2021

“Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi; tichuan in thlarau tan chawlhna in hmu ang.” Matthaia 11:28-29.

Thuhnuairawlh tura zir hi Krista zuitu tan chuan a pawimawh hle a. Thuhnuairawlhna chuan buaina a ti tawpa. Sawiseltu te a ti ngawi a. A duhawma. A thlanawm bawka. Hmangaihna nena inbiakna a hring.

Chung aia pawimawh chu, thuhnuairawlhna chuan Isua min antir a ni. Matthaia 11:28-29 chuan, “Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi; tichuan in thlarau tan chawlhna in hmu ang” min ti a ni. 

Ngawi lawk teh. I nuna thawpikna emaw hrehawmna emaw i neih ṭhin hi thuhnuairawlhna i neih loh vang tihna a ni em? Ni e. A chhan chu Bible chuan Krista i an poh leh thuhnuairawlhna i nei zual anga i chawl hahdam zual ang.

Muanna neih i duh em? Isua an i duh em? I kawngka aṭang khan kal chhuakin thuhnuairawlhna nei turin nangmah i in tilui thei chuang lovang. Thuhnuairawlhna chu i nei ngawt thei chuang lovang, a chhan chu i rilru chhungah thawpikna ila nei tho dawn a ni. Hei hi chhungril lama chinfel ngai thil a ni a. Chu chu Pathian Thlarau rah i chhunga awm a ni tur a ni.  

I ritphurh mek hi eng nge ni ka hre lova. Amaherawhchu i phurrit chhanna chu ka hria a ni. Isuan a nghawngkawl bat turin a duh che a. Hemi awmzia chu Isuan i ritphurh chu a phurhpui tawh dawn che a ni. 

Isuan i ritphurh chu a phurhpui che chuan, hnai leh zualin amah nen in kal dun thei bawk ang a. Thuhnuairawlh dan leh inngaihtlawm dan i zir bawk ang. Tichuan i thawpikna leh hrehawmna chu chawlhna leh muanna nen in inthleng dawn a ni.

Han ngaihtuah la

Isua nghawngkawl bahpui chu eng nge awmzia ni ang le? 

Nangman emaw tu emaw in thuhnuairawlhna nei lo angah an ngai che em? 

Midangin eng nge keimahniah nungchang ṭhalo an zirchhuah? 

Ringtu i nih chinah leh Thlarau Thianghlim i neih chinah khan thuhnuairawlhna nei sawtin i inhria em? I nunah eng nge danglamna awma i hriatt?

[Lettu: Sangpuia]