Central YMA-in lailapur-a lirthei tangkhang lambun dem; ramri buaina chungchangah Central YMA chuan ngun takin a thlithlai reng dawn a ni - CYMA

Aizawl | August 8, 2021: Central YMA Office Bearers thutkhawm hmanhmawh nizan dar 8-a neih chuan, Assam sawrkar ruahman anga Mizoram House, Silchar, Assam-a Mizo motor tunhnaia ramri buai vanga tangkhangte Mizoram panpui mekte, Lailapur, Assam-a Police-te venhimna hnuaia an awm lai, Lailapur mipui ten an lo dang buai leh motor thenkhat khawih a ni hi hriatthiam har an tiin, Central YMA chuan an dem tak zet thu thuchhuah siamin an tarlang.

CYMA chuan, "Sub-Hqrs./Group/Branch YMA-te Central YMA thu leh hla lo ngaichang turin kan inngen a, ramri buaina chungchangah Central YMA chuan ngun takin a thlithlai reng dawn a ni." an ti bawk.





CENTRALYOUNG MIZO ASSOCIATION
MIZORAM : AIZAWL

CENTRAL YMA THUCHHUAK

Ni 7.8.2021 (Inrinni) zan dar 8:00-a Central YMA Office Bearers thutkhawm hmanhmawh chuan, Assam sawrkar ruahman anga Mizoram House, Silchar, Assam-a Mizo motor tunhnaia ramri buai vanga tangkhangte Mizoram panpui mekte, Lailapur, Assam-a Police-te venhimna hnuaia an awm lai, Lailapur mipui ten an lo dang buai leh motor thenkhat khawih a ni hi hriatthiam har a tiin, Central YMA chuan a dem tak zet a.

Hetiang harsatna leh buaina kara him dam taka Mizoram House, Silchar-a let pui leh an ni hi lawmawm kan ti hle ni. 

Sub-Hqrs./Group/Branch YMA-te Central YMA thu leh hla lo ngaichang turin kan inngen a, ramri buaina chungchangah Central YMA chuan ngun takin a thlithlai reng dawn a ni.

YMA vul zel rawh se.
    
Sd/-                                                                                         Sd/-
VANLALRUATA                                                          Prof. LALNUNTLUANGA
President,                                                                 General Secretary,

Post a Comment

0 Comments