ASSAM SAWRKAR DRAMA

Ningani khan Mizoram sawrkar thuneitute tirh ni lo, an hriatpuina-in Assam ram lamah kan zuk kal. Kan kal dawn hian Lailapur lam a an BJP hruaitute kan be lawk a, "Rawn kal rawh u, engmah harsatna in tawk lovang" Tiin min hrilh thlap a ni. Min bum theih avangin nuam ti vak lovin kan kal a, Guwahati pum khu tlan chhuak vek mah i la harsatna kan tawh a rinawm loh a ni.


Nimin khan Assam Minister pahnih te kawng a tlang theih nan Lailapur-ah tirh an ni. Aizawl lam Journalist te Assam a luh a, lirthei tangkhang ho kawm an duh leh ta a. Khulam ho ka zuk biak sak a, kan himna atan engmah min tiam thei ta tlat lo mai a. "Kal loh a tha mai lo maw" tiin rawtna ka siam nghe nghe a ni.  Amaherawhchu, an rawn kal laklawh si a, nuam ti lo zetin kan zuk kal ta tho a. 
Assam Minister pahnih hi tlailam dar 6:00 vel a rawn thleng tur ang a min hrilh avangin dar 3:00 velah kan haw leh ta a ni. 

Assam tan fung chu "sawrkar-in kawng a dang lo. Mipui dan a ni" tih a ni. Chuvangin, mipuiin motor tlang tur an dan a ngai a, mipuiin kawng nizan khan an dang ta ngei a ni. Assam sawrkar drama chan hi 2020 kum khan kan hmu tawh a, 2021 hian kan hmu leh ta a. Hetiang thil an ti thin hi a pawi hle. State pahnih mipui min in huat tir hi Assam sawrkar hian a tum em ni? Tih hi ngaihtuahtham tak a ni.

Nimina mipui an tih ten lirthei an khawih driver te chu an mipuite zawkin an lo hum him a, chaw te an lo pe ve leh lawi a. Zanah te an inah riahtir in hum himna an lo pe ta zawk a. An kawng dan mipuite puh tum a an drama chan tuartute hi Assam hian zangnadawmna a pe ngei tur a ni ang.


August 8, 2021

Post a Comment

He post chungchanga i ngaihdan lo sawi ve rawh:

Previous Post Next Post