Zirlai harsate pualin MSU-in smartphone sem


Aizawl | July 9, 2021: Mizo Students’ Union General Headquarters, Aizawl chuan MSU Smartphone fo BPL/AAY Students sem thawhkhatna chu vawiin chawhnu khan Aizawl Press Club-ah annei a, 3:16 Plan solution propriertor Pu John Lalpeka chu khuallian a ni.


He hun hi MSU General Headquarters Vice President RK Hnuna’n a kaihruai a, Pu Loncy Chhakchhuak chuan hunserh hmangin, MSU general secretary Pu Samuel Zoramthanpuia'n report a pe.


Covid-19 hri leng avanga zirlaiten online class an kal tak avangin zirlai harsa zual tak takte tan zirna an chhunzawm theih nan MSU chuan smartphone hmanga luanchhuahna hun a nei mek a, hri leng avanga inkalpawhna a harsat avangin AMC area zirlaite tan sem thawh khatna neih a ni a, he hunah hian zirlai 13 thlanchhuahte pek an ni.



Khuallian Pu John Lalpeka chuan thu sawiin Mizo thalaite tana malsawmna ni thei tura luanchhuah a chak thin thu sawiin zirlai kal khawmte chu tumruhna nena lehkha zir turin a fuih a ni. 


MSU President Pu J Lalmuanzuala chuan Smartphone for BPL/AAY students chu zirlai harsa zual tak takte tana kalpui a nih thu sawiin MSU kaltlanga, mi inphalte chungah lawmthu a sawi a, smartphone dilna hi tunkar hun chhung bak dilna dawn a nih tawh loh tur thu sawiin Pu J Lalmuanzuala chuan sem thawhhnihna hi a rang lama kalpui vat a nih tur thu a sawi bawk a ni.


Tin, Myanmar Tahan khawpuia covid-19 hri leng mekah mipuiin nunna an chan nasa hle a, MSU chuan The Salvation Army, Tahan Coprs tan oxygen concentrator chu Myanmar Refugee Relief Committee (MRRC) kutah MSU President Pu J Lalmuanzuala’n a hlan a ni.

Post a Comment

1 Comments

  1. MSU hmalakna hi chu a zirlai hnuk ruih mai lawm. MSU te an ti tha e.

    ReplyDelete

He post chungchanga i ngaihdan lo sawi ve rawh: