TU EMAWIN DAMNA LEH BEISEINA A HMUH THEIH NANA ṬANPUI DAN - 2

TU EMAWIN DAMNA LEH BEISEINA A HMUH THEIH NANA ṬANPUI DAN – 2

- Rick Warren

- 13 July, 2021

“Tichuan, thil ṭha tih i ning suh ang u; kan inthlahdah loh zawngin a hun takah chuan kan seng dâwn si a.” Galatia 6:9 

Mi tu emaw beidawng taka awm hriatthiampuiin i in hre tawh em? Chutiang mi Krista hnen rawn pan nachang hre ngai lo te chu? Chutiang mi te chu zu ngawlvei chhungkua emaw, damdawi ngawlvei nu leh pa emaw, ṭhenawm te a innghat tawp – rilru natna nei emaw, rilru buai emaw, chutiang lam avanga Pathian hnaih thei lo te chu.

Thudik chu, mi tumah hi Isua thlen phak loh an awm lo tih hi a ni.

Nimin lamah khan pâwl tê (small group) pawimawhna leh mi beidawng pawhin damna a chan theih dan kan zir a. Luka bung 5-na (ṭhian) pawlho in an ṭhian zeng Isua hnena tidam tura an hruai dan kan zir a nih kha. Kha chanchinin a entir (lainatna, rinna leh a taka ke pen) te aṭang khan pâwl te (small group) ah pawh Pathian tihdamna kan hmu thei a. Vawiinah hian kawng li dang kan en ve thung dawn a ni. 

Teirei peihna

I chhungte, ṭhiante leh i hmelhriatte Chanchin Ṭha hrilh i tumna kawngah i lo hnual tawh mai thei e. Amaherawh chu i bansan thei lovang! Luka bung 5-a ṭhianho te pawh khan an harsatna avangin an intibeidawng duh lo a. Isua nena an inkarah mipui pawh awm se an pawisa lo a nih kha. “Tichuan, thil ṭha tih i ning suh ang u; kan inthlahdah loh zawngin a hun takah chuan kan seng dâwn si a.” Galatia 6:9 

Thil thar zirchhuahna

Khang ṭhianho te khan thil danglam tih an ngama. In chunga lawna, in chung ṭhiah kha damlo Isua hnena an hruai theih na tura an ngaihtuah chhuah a ni ngei mai. Buaina an thlen zozai te kha ngaihtuah teh! Rawngbawlnaah chuan mipui an tel tlat avangin a buai ṭhin a ni. Pâwl tê (small group) mahni buzawl aṭanga chhuak ngam lo te chu damna hmanrua ni turin buaina pawh an hmanchhawn ngam tawk lo tihna a ni. 

Thawhhona

A dik a ni, khang ṭhianho te khan an ṭhian kha Isua hnena hruai turin an thawkho ṭha hle a ni.

Kha hna kha mi pakhat mai thawh atan chuan a lian lutuk a ni. Chutiang bawkin pâwl tê (small group) tan pawh a harsa a ni. Pâwl tê (small group) pawh inpeizawna an kal chuan Isua hnenah midangte an hruai ṭhin a. Khawtlang thawhhona ṭha hian Pathian rawngbawlna ah nghawng a nei lian thei hle bawk a ni.  

Inhlanna

Chanchin kan zir mekah khan inchung an tih chhiat tak kha tuin nge siam ṭha tih hi i ngaihtuah ngai em? Ṭhianho bawk khan an tih ka ring a ni. Midang siam ṭhat atan ringawt chuan an tihchhiat a rinawm lem lo. Hun, pawisa leh tha thawhna emaw thildang eng emaw pawh awm se, Isua hnena midang hruai tur chuan man pek ngei a ngai ṭhin. Luka 16:9 ah chuan, “Khawvela i thil neihte midang tan leh ṭhian siam nan hmang la. Tichuan, i thilneihte an liam hunah, chatuana inah chuan an lo hmuak ang che” (NLT). Pâwl tê (small group)-in he khawvela tihdamna tura hmanrua nih an duh chuan an inhlan angai a ni.   

Pathian chuan beiseina nei lo te hnena damna thlen turin a hmang duh che a. Amaherawhchu nangmah chauha ti tur erawh chuan a beisei lo che a ni. Kristian pâwl tê (small group) din la, tichuan teirei peihnate, thil thar zirchhuah chaknate, thawhhonate leh inpekna chuan beiseina neilo ten Chanchin Ṭha beiseina an neih theih nan Pathian dil ang che.  

Han ngaihtuah la

In rawngbawlna a buai nuaih lai leh bansan hial i duh hunlai chanchin kha han sawizau teh. Engin nge kal tir zel che? Mi tu emaw in an ṭanpui che em ni? 

Pâwl tê (small group) ten harsatna an tawh laia an in fuihna tur kawng eng te nge ni ang?

Pathianin a chhanchuahna tur che in eng mite nge i nunah inrawlh emaw ṭawngṭai? Pâwl tê (small group) i neih ve chuan eng tin nge midang te in puih ve theihna turah  ṭangkaina a neih?

[Lettu: Sangpuia]

Post a Comment

0 Comments