Ticker

10/recent/ticker-posts

THLARAU LAMA ṬHANLENNA CHU THUTLUKNA SIAM AṬANGIN A IN ṬAN

- Rick Warren
- 20 July, 2021

“Pathianin ṭhanglian turin min duh a, thudik zawng zawng hriaa, hmangaiha hril turin – engkima Krista ang turin” Galatia 4:15 (The Message)


Pathianin ṭhang zel turin a duh che.

Bible chuan, “Naupang anga awm reng tur kan ni lo” a ti a (Ephesi 4:14 PHILIPS). Pathianin i tana thiltum a neih chu puitling zel tur leh Isua Krista nungchang put chhoh zel leh tlawmna leh hmangaihnaa nun hman zel hi a ni.

Kristian tam tak chu an ṭhang upa a mahse hma an sawn thei lo a ni. Thlarau lamah naute ni rengin, naute thawmhnawte an la inbel a. A chhan pakhat chu ṭhan reng an tum loh vang a ni.

Thlarau lam ṭhanlenna chu chawplehchilha lo thleng a ni lova. Inpekna neih ve a ngai a. Ṭhan zel tum la, ṭhang turin thutlukna siam la, ṭhang turin theihtawp chhuah la, ṭhang turin bei fan fan rawh. 

Zirtir nihna hi thlarau lama ṭhanglian tura pawimawh tak; Isua anna tura kaltlang ngai a ni a. Thutlukna siam aṭangin a inṭan ṭhin a ni.

Matthaia bung 9 ah Isuan zirtir a koh hmasakte kan hmu a, “Mi zui la ka zirtir i ni ang,’ Isuan a ti a. Matthaia chu a thova, a zui ta a” (Matthaia 9:9 NLT).

Zirtir koh hmasak ten Isua zui tura thutlukna an siam khan, a hnu leh lam engmah hriat lawk an nei lo. Isua sawmna kha an chhang mawl tawpa. Isua zui turin thutlukna an siam ta a ni.

Chu zawng chu bul ṭan tura i mamawh a ni. Vawiinah hian thutlukna siam la Isua zirtir ni ang che.  

Han ngaihtuah la

Isua zui tura duhthlanna i siam lai kha ngaihtuah la. Ringtu nih awmzia chu eng nge nia i hriat? Eng nge i hriatchhuah loh kha?

Pathianin nangmaha Isua nungchang a siam mek kha eng te nge ni?

Engtiangin nge i nunah Pathianin hna thawk se i tih? Heti lam kawnga ṭhanglian tur hian ṭawngṭaiin hun hmang la. Chumi chhung chuan dawhtheihna leh rinna dil bawk ang che. 

Pathian chhandamna thutiam hi i ring em le?

Isua anna kawnga i ṭhanlen hmain, chhandam i nih theihna turin i ring hmasa tur a ni. Isua hnena nun hlan i inpeih a nih chuan hetiang hian ṭawngṭai rawh le.

“Ka sualna te ka puang a, ka Pathian leh min chhandamtu i nih ka ring e. Ka nunah Lalpa atan ka ring che a ka pawm ta che a ni. Vawiinah hian ka nunna engkim hi i nunah ka rawn pu lut ta a. I hnung zui ka duha, ti tura min duh apiang tih ka duh e. 

“Isu, i mi hmangaihna leh inhlanna avangin vanramah i kiangah ka awm ve thei dawna ka lawm a ni. Ka phu lo a ni tih ka hriaa. Ka chhandamna atan hian ka thawhchhuah kher a ngai lo tih ka hria a ka lawm a ni, thawhchhuah ngai pawh nise ka thei dawn si lo. Damchhunga i zirtir nih ka duh e; mahni rawng bawl ai chuan dam chhunga i rawng bawl hi ka thlang ta zawk a ni. I angchhunga min pawm tur leh min chhandam turin ka nunna tlawm tak hi ka hlan a che. I hmingin ka dil a che. Amen.

A chunga mi ang khian i ṭawngṭai a nih chuan, hetah hian min lo hrilh ang che – Rick@PastorRick.com. Isua nena hun i hman zel theih nan thil ṭangkai tur a thlawnin ka lo thawn ang che. 

[Lettu: Sangpuia]

Post i hmuh dan

Post a Comment

0 Comments