SUAL KAN DO DAN HI

President, YMA Falkland Branch


Thuhma vak nei lem lo in kan bung nghal deuh chawt ang a. Thuhma tur tam tak awm mah se, a thui lutuk loh nan. Mahni veng fak chiam erawh ah min lo ngailo hram ula. Dan ngaih pawimawh thleng hian kan tih tur zawk a ni.


Chapo lamah lo ngailo ula, Kan veng tihdan ka lo share ve mai mai ang e. Kan veng a ruihhlo ngai te leh zuar te hi ko khawmin awareness kan pe thin. Thinrim leh hnuaichhiah te, kutthlak te hian sual a sim tir theih loh tih kum kha leh chen kan lo hriat ve leh hmuh ve tawh thin atangin. Zawldawh tak a kalpui hi kan thupui a ni a, kut thlak hi kan nei meuh lo a ni. Ruihhlo liantham kan man a nih chuan kan man na hmun (on the spot) ah dan hmang a man tu te ko in kan lak tir mai thin. Tlem kham tak kan lo man a nih chuan (ruihhlo theuh theuh case a inang vek kan lo ti a nih pawhin a dikna lai a awm thobe) kan veng in kan lo lenchilh thin a, ti tawhlo tur a tha tak a hrilh in intiamkam na kan siam tir a,chu chu hruaitu te leh anmahni te nen hming kan ziah hnan thin. Vuak, Vau, kutthlak tih vel aiin ka hmuh chinah chuan an zah daih zawk.

Tin, ruihhlo a tang leh zuar te hi theih tawp a hetiang lam ti tawhlo tur a hrilh chungin khawtlang a lo inhmang zawk tur in kan hrilh in kan ngen fo.Runluihna aiin zahna a keng mah zawk ka hmuh chinah chuan.Thenkhat te phei chu kum tam kan nghak,dawhtheihna a awm na na na chuan inhmuhchhuah hun nei hi ka hre ta nual mai.Nikum atang khan kalphung dang deuhin kan kal a,kan veng Falkland hi Aizawl veng ah chuan hmun remchang (spot na) tamna zing a mi a ni.Kan duty te kan hruaitu ten kal na lo tur leh hawihawm tak a kan veng huamchhungah chuan ruihhlo ti lo turin tha tak in kan hrilh mai thin a. Mi pangai leh puitling chin chu ngaihdam dil chungin an inthiarfihlim mai thin. That leh that a indawr hian engkim a felfai duh khawp mai. A rui zawk na na na luruh ring leh tawngkam mawi lo lo hmang an lo awm a nih pawhin zawldawh zawk nih chuan kan inkhap dai har ngai lo. An zu lo in kha hmun dang a in turin kan ti a, lawmthu sawi chungin an inthiar fihlim ngei ngei thin a ni. Chapo laklawh an awm chuan Duty Office ah hruaiin a mawi loh zia kan hrilh a, an harh deuh awm a kan hriat ah kan haw tir mai thin. Tihngaihna thlawt awm lo chu an veng hruaitu te kan hrilh mai a, a fel leh mai zel.

Tharum in sual do hneh emaw do rem tum ngai suh,kum engzat nge tharum a kan lo do tawh a, tun hun kan thlen dan hi en let fo ang u.Thil pakhat ka sawi duh chu experiance lo nei tawh te hian kal dan phung tur hi an hre hnem mah zawk a,chutih laiin ruihhlo nghei avang a khawtlang a ruihhlo ngai leh zuar te ngaithei miahlo tlem te an awm ve tho bawk.

Heng ka rawn sawi avang hian ruihhlo ti leh zuar va tran ta vak leh an thlavang ka va hauh lam a ni lo, mahni vengchhungah hian mahni veng tin emaw khawtin hian awareness pek i uar ang u. Kan duty avangin thu kan va nei a ni lo, kan sual do chhan kha kan hriatchian a ngai. Zu leh ruihhlo ngawivei leh zuar te hi kum tam vei in khawtlang tan hnawksak rei ni mah se, dawhtheihna leh nghah peihna hian rahchhuah a nei ngei ngei a ni a.

YMA motto a ‘Tanpui ngaite tanpui' hian heng sualna kawng a chhanchhuah tur a hmalak te hi a huam telin ka hria. Diriam leh hnuaichhiah na lam kawk lo in leh Kohhran mi tan pawh hei bak a rawngbawlna hi a awm chuang in ka ring lo. Ka mimal ngaihdan hi mi dang va neih tir ve kher erawh ka tum hran lo.
KAN SUAL DO DAN KALPHUNG ERAWH THLAK A HUN TAWH VIAU A NI.


(He thu ziaktu Mahminga Chawngthu berawn duh chuan a hmingah hian hmeh kauh mai tur a ni.)

Post a Comment

0 Comments