Social media hmanga thil thehdarh chungchangah Kolasib bawrhsapin thu chhuah

* Civil miten ramri hrul khua leh Security Duty-na hmunte tlawh loh tur

Aizawl | July 28, 2021: Mizoram- Assam ramri buaina avanga State pahnih inkara inkahna hial a thlen hnuah, ramri hrul boruak in that lam pan zel tura beisei anih laiin, engthil pawh thleng thei a reng a ni  a. Kolasib bawrhsap chuan thuchhuah siamin, "Civil miten ramri hrul khua leh Security Duty-na hmunte tlawh loh tur a ni." a ti.

* Official Duty pawimawhte pawhin harsatna an tawh lohna turin District Magistrate phalna la hmasa tura thurawn pek an ni.

* Hetihlai hian ramri hrul tlawhtu mi thenkhat ten social media hmangin Mizoram Security Force Duty-na hmun an theh darh thin tih hriat a ni a. Hei hi kan sipaite leh Civil mite himna atana thil pawi tak anih theih avangin ti tawh lo tura ngen leh hriattir an ni.

- DIPR