Serlui B tuikhuah-ah unau mipa pahnih tla hlum!

Aizawl | July 3, 2021: Vawiin khan Bilkhawthlir khaw naupang pahnih, unau chu Serlui B tuikhuahah an tla hlum!

Rodinsanga kum 14 leh Lalnunfela kum 12, Pu Lalrinenga Kualmawi Bilkhawthlir fate chu vawiin chhun dar 12 vel khan Serlui B tuikhuahah an tla hlum.



Thudawnnain a tarlan danin, an pa hi P&E dept ah thawkin, Hawla Island ah a riak thin a, a fate hi khawrchaw vel pein an kal a, an haw lam Serlui tuikhuah tuichim chin atanga 30 fts velah an chesual ta a ni.

Serlui tuikhuah kam lamah hian chengin, Lalnunfela hi a tla palh hlauh mai a, a u Rodinsanga hian chhan a tumna lamah an pahnih hian an tla ta niin thudawnna chuan a tarlang.

Pu Rinenga fate hi a u Pu Rosangpuia fapa Malsawmkima kum 6 vel nena kal an ni a, ani hian an chetsual thu hi sawiin, Bilkhawthlir mai bakah N.Chawnpui atangin mi tlawmngai an tlankhawm nghal a, tlai dar 4:30 vel khan an ruang hi hmuh nghal a ni.

Zaninah tlaivarpui a ni ang a, naktukah an veng, Kualmawi thlanmualah vuiliam a ni ang.

Post a Comment

0 Comments