Govt Johnson College Miss 2021 Rinchhani kan belchiang.
Chhani emaw Rinchhhani emaw-a hriathlawh Govt Johnson College Miss 2021 Lalrinchhani hi Lalnunfeli leh Zoawmpuia te fanu niin September 24, 2002 khan a lo piang a. Siaha New Colony I a cheng leh khawsa an ni.
Rinchhhani te unau hi pali niin, nuta pathum a nei a, ani hi a naupang ber a ni.
Kohhran lamah chuan Presbyterian kohhran-a lawi an ni.
Rinchhhani'n EXPLORE MIZORAM zawhna a chhanna te chhiar ve rawh le.
Zirna lam:
Pawl 10 hi Adventist English Academy atangin kum 2018 khan ka pass a. Pawl 12 hi Don Bosco Higher Secondary School atangin kum 2020 khan ka pass leh a, Tunah hian in Govt Johnson College ah B.A (Education) 3rd Semester ka zir mek a ni.
Hobby: Dancing (ka thiam leh thiam loh chu thuhran nise keimah hian nuam ka tia nun a tihlim ka ti bawk!)
Duh zawng leh ngainat zawngte:
• Lehkhabu duh: The 3 mistake of my life - Chetan Bhagat
• Actor: Hero Fiennes Tiffin
• Actress: Angelina Jolie, Lee Ji-eun
• Zaithiam: Taylor Swift, K Hminga
• Chawhmeh: Alu, Artui
• Hla: Perfect to Me - Anne Marie
• Hmun: Khawi hmun nise pawh hlim tak leh thlamuang taka awm theihna hmun
• Rawng: Pink, Yellow
Ziaktu: Chetan Bhagat, Ravinder Singh
📌 Mize ngainat zawng:
- Nuih duh, biangbiak nuam, mite thatna lai hmuh tum hram hram thin mi leh fiam dawl.
📌 Mize ngainat loh zawng:
- Mi chapo, mi er ching leh mi chhiatna lai hre thei deuh.
📌 Kawppui tura duhzawng: Pathian tih mi, ruih theihthil tilo , midangte ngaipawimawh thiam.
📌 Relationship Status: Single
📌 Aim in life: Teacher ( Eng kawng pawh nise mite zitir theitu leh tanpuitu nih)
📌 Govt Johnson College Miss thlanna-a tel chhan:
- Incharge te leh ka thianten tel tura min tih vang leh keimah ah hmasawnna tlem tal hmuh in beiseiin ka tel.
📌 Govt Johnson College Miss 2021 nih hi i inring em?
- Ka inring emem lo, mahse ka theihtawp chu ka chhuah.
📌 Govt Johnson College Miss in i nuna nghawng a neih:
- Keimahah thil tam tak leh kawng hrang hrangah hma min sawn tir, a bik takin puitlinna kawngah, chumai bakah, ka zirlai puite entawn tur ka nih avangin a hma aiin ka nun min uluk tir zual.
📌 Modelling lam hi i tui reng em:
- Tui em em lo e!
::ZAWHNA DANG::
1. A lova I awm theih loh:
- Tunah rih chuanin ka hman ber leh ka chhawr tangkai ber ka Phone.
2. I nun kaihruaitu: Bible , Ka nu leh pa
3. Hringnuna i hlauh ber: Hlawhchham
4. I tih ngai miah loh tur: Mahni inhumhimna a tana mi dangte dawta puh.
5. Mizo tualzal nuna tha i tih: Tlawmngaihna
6. Qoutes duh ber: "Commit your way to the Lord; trust also in him; and he shall bring it to pass." - Psalm 37:5
7. Mizoram leh Mizo tualzal nuna Mizo hmeichhiate dinhmun:
- Kan pi leh pute hun lai ngaihtuah chuanin mizo hmeichhiate dinhmun hi nasa taka chawikan ani tawh a, kohhran leh khawthlang thil ah pawh hmeichhia ten tihtur leh tih theih tamtak an lo nei ve tawh a, zirna in leh office thleng pawh a hmeichhe hnathawk hmuh tur tamtak an awm tak ah hian Mizo hmeichhiate dinhmun san tawh zia ati lang in ka hria.
8. Hnam hmingthat leh hmingchhiat kawngah Hmeichhiate'n mawhphurhna:
- Nasa tak an kawlin ka hria a hmasawnna in a ken tel zirna sang zawk bel turin in ram hrang hrang ah te kan lo kal darh a chutah chuanin ringlo mite nundan leh khawsak dan anga han awm ve ngawt kha (incheina lamte pawh lo nise) Kristian ram atanga kal tan kha chuan amawiloh mai bak ah ringlo mite lak ah minti thang chhia in min ti hming chhe thei a ni.
9. Hman ziarang chawinun kawnga Hmeichhiate mawhphurhna:
- Kan hman incheina nasa taka ngaihsan leh Kan hnam rohlu te ngaihhlut mai bak ah hnam ziarang leh hnam lam te pawh theih ang anga thiam ve tum.
10. Mizote tan 'Fa neih tlem' inzir hi a tulin I hria em:
- Mizote tan 'Fa neih tlem' inzir hi atulin ka hrelo.
11. Mizo hnam thanmawh bawk nia i hriat:
- Ruih theihthil, Eiruk, Inlungruallohna leh hnam dang hmuhsit.
12. Mizo hnam damna atana kawng awm nia I hriat te:
- Eirukna umbo, Ruih theih do, inpumkhatna, rorel tuten Pathian tihna nei chunga ro an rel apawimawh.
13. Hnam chhan nana Hmeichhiate tangkaina leh mawhphurhna:
- Hnam dang pasal a neih loh.
14. Zirna, Khawtlang leh Kohhran hi:
- Ram leh hnam hmasawnna atana pawimawh dan in ang vek leh Mi puitling tak leh nasa taka hma min sawm tir theitu ani.
15. Khawtlang, Kohhran leh nangmah:
- Zirlai ka la nih avang in khawtlang ah hi chuan ka la inhmang emem lova, Kohhran ah erawh theih ang tawkin ka inhmang thin.
16. Social Media leh Nangmah:
- Ka theih ang ang ah hi chuan ka hmang ve nasa a, thil tha tam tak min thlen rualin thil tha lo leh tangkai lo pawh kan hriat hnem phahin ka hria.
17. Mizoram thalai tam tak tlakchham:
- Tum ruhna, taimakna, tih hramhram peihna leh Chhelna.
18. Mizo thalaite hian ngaihsan tur dik an ngaisangin I hria em:
- Ngaihsan tur dik an ngaisangin ka hria a amaherawh chu Kan ngaihsan dan kawng erawh adiklo in ka hria.
19. Ngaihsan tur dik tak nia I hriat:
- Mi tumruh leh huaisen , Pathian tih mi.
20. Hlawhtlinna tura pawimawh:
- Taima tak leh rim taka thawh.
21. Hloh I hlauh ber:
- Nungchang
22. Zo hnam inpumkhatna hi a thlen theih i ring em:
- Beidawng lova kan beih talhtalh chuan athlen theih ka ring
23.Hnam dang nupui pasal neih hi:
- Hnam timualphotu a ni.
EXPLOREMIZORAM.COM i hmuh dan:
- EXPLOREMIZORAM.COM hi Mizote nasa taka hma min sawntirtu leh thalaite tana entawn tlak tak tak te phochhuaktu a nih mai bakah chanchin thar leh thil hrangh rang awlsam taka mipuite min phochhuahsaktu a nih avangin Explore Mizoram hi vul zel rawh se.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Telegram group:
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: