RAMRI BUAINA: SIHPUI ZAU LAMAH ASSAM POLICE TE INKULH LO

Vairengte | July 2, 2021: Vawiin chhun lama  Vairengte Aitlang mawng lam, Singkili phai  (Sihpui zau)a Mizo leilet neihna hmun engemaw zat rawn pêl in  Assam police te an rawn in kulh leh nia sawi chungchangah Vairengte a awm chilh mektu, Pu Biakthanga Khiangte DIG chuan an naute an tirh thlâk tawh thu leh Assam police te hi an lo inkulh loh thu a sawi. 


Pu Biakthanga Khiangte sawi danin a hmunah hian Mizoram Arm Force te kal ve nghal in Dolai, Cachar Police Station atangin Assam police mi 15 ten patrolling an rawn nei a. Heng mite nen hian in hmu in Assam Police te chuan inkulh an tum loh thu leh ramri vel en thlithlai a an kal thu an hrilh a ni. 

Hemi hnu hian Assam Police te hi let leh nghal in Mizoram Police te pawhin a thlang lama mizo leilet awmna hmun thleng zuk patrolling in Assam Police inkulh tum an awm loh avangin an lo haw ve leh rih niin a sawi bawk.






Post a Comment

0 Comments