RAMRI BUAI AH SIPAI 2 TE INNAWR; ASSAM POLICE TEN MIZORAM POLICE DUTY POST TIH CHHIAT SAK

Aizawl | July 1, 2021: Vairengte Aitlang hnar lamah Mizoram leh Assam ramri in chuh thubuai kal mekah vawiin Dt.1.7.2021 chawhnu dar 1:30 vel lam khan Mizoram sipai ten nizan lama an duty post thar an siam ah kal an tum chu Assam police ten lo dangin an in nawr mek ni a thu dawn a ni.



A hmun a awm civil mite hnen atanga thu dawn danin nizan khan Mizoram Police te hian Assam in an ram ni a sawi ah hian Mizoram Police ten duty post 3 siamin thenkhat in an luah nghal a. Hei hi vawiin chawhma lam khan an hotute tu ber emaw in an post hnai ber ah awmkhawm tîr in nizan a post an siam ho ah hian an riah bûk tur siam leh an tuma an kal hi Assam police ten an lo dang ni a thu dawn a ni.

Tûnah hian Mizoram Police te hi mi a hmunah mi 40 vel bak awm lovin an in nawr deuh sawk sawk mek a, silai erawh an chelek lo ni a thu dawn a ni. Assam Police lam erawh an thahnemin mipui pawh an awm nual ni a thu dawn a ni bawk. Thu thar ber kan dawn danin nizana duty post an siam te chu Assam Police te hian an tihchhiat sak mek a ni.

- Rengkhawpui News (2:35 pm)

Link:

Post a Comment

0 Comments