RAMRI | Assam Sipaiin an kah hliam Lalmuansanga a dinhmun tha; inenkawlna senso Sawrkarin tumsak vek dawn - CM

Aizawl | July 27, 2021: Vairengte dai Autorickshaw chawlhhmun a Assam police lo dannaa hliam tuar PC Lalmuansanga (25) s/o PC Zoramliana Vairengte chu nizan khan Kolasib District Hospital a doctor ten hlawhtling takin an zai a, a dinhmun a thain ngaihtuahawm a ni lo.


Mizoram CM Zoramthanga chuan Instagram kaltlangin, "Assam Sipaiin civil mi an kah hliam Mizo tlangval Lalmuansanga, Vairengte Venghlun, tuna Civil Hospital, Kolasib-a enkawl mek chu Mizoram Sawrkarin a inenkawlna senso zawng zawng a tumsak vek dawn a ni." a ti a.


"Ram chhan nana ṭang ngam PC Lalmuansanga, i dam leh thuai kan duhsak a che." tiin a post siam-ah a tarlang bawk.

Lalmuansanga hi vawiin khan Serlui bialtu MLA Lalrinsanga Ralte chuan Kolasib damdawiin-ah tlawhin a kan a, a enkawlna turah pawh hian amah hian CM a bia nia thu dawn a ni.

Post a Comment

He post chungchanga i ngaihdan lo sawi ve rawh:

Previous Post Next Post