PATHIANIN A DRIVER SEAT CHANG SE

PATHIANIN A DRIVER SEAT CHANG RAWH SE

- Rick Warren

- 6 July, 2021

“Tu pawh ka ruala lo kal duh chuan hma min hruai tir tur a ni. Nang chu driver seat-a ṭhu tur ni lo vin, keimah zawk hi.” Matthaia 16:24 (The Message)

I nuna i thawpikna tih kianna tur remchang tak chu kal liam tir a Pathian kuta dah a ni. Chu chu engtin nge ilo buaipui ṭhin le? I nun ching fel tura Isua dah hi a ni e.

Kan buaina chu kan nun chingfel turin keimahni kan in ruat ṭhina, Pathian nen kan inrem thei lo va kan inkalh ta ṭhin a ni. Kan tana ṭha ber tur chu hria ah kan in ngai ṭhin a. I nuna i thawpikna leh Pathian nena i rilrua in inhniala fo ṭhin na chhan chu – “Pathianin ti tura min duh chu ka hria a, mahse ka duhzawng chu tih ka duh zawk ṭhin!”

Tuk tina i lo harhchhuah hian, thutlukna siam tur i nei a: Tunge i nun kaihruaitu ni dawn? Tu in nge thunun dawn – nangmah nge Pathian? Tu in nge tih tur sawi dawn - nangmah nge Pathian? Nitinin a tahtawl te te in thuthlukna hi i siam a ni. Nangma nun chu buaipui tura i in ruat hian, harsatna, buaina leh thawpikna a awm ta ṭhin a ni.

Isuan Matthaia 16:24 ah khan, “Tu pawh ka ruala lo kal duh chuan hma min hruai tir tur a ni. Nang chu driver seat-a ṭhu tur ni lo vin, keimah zawk hi,” a ti a ni. (The Message). Hei hi Kristian te tih tur chu a ni: Krista ringtu kan nih tawh chuan, amah chu driver seat kan chan tir a ni. Keini chu a hnung lamah ṭhu nghalin a hnunglam aṭang chuan kan la khalh ta tho a ni. Hetiang hian thurawn kan pe reng a, “Ni lo, helamah kal rawh. Ding rawh. Min nghak lawk. Kal chak rawh! Saw lamah sawn ka kal duh tih. Saw lam saw hmuh ka duh.” 

Kum engemaw zat kal ta khan, Kei leh Kay-in lam kan zir ve a. Min zirtirtu ina nupaa lam zir te an harsatna ber min hrilh chu mi dang hmahruaitu nih tir tum lai tak hi a ni a ti. An pahniha hmahruaitu nih an tum lai tak chuan, an ke an in rah sak ve ve ṭhina, a lang nalh lo duh thin khawp mai. 

I nun ah Pathian hmahruaitu ni tura i puih lai chu a lang nalh lo ṭhin hle mai. Chu ai chuan Pathian chu Pathian nih tir la, Isua chu i nun buaipuitu ah ṭan tir bawk rawh.  

Han ngaihtuah la

Pathian hnena thil hlan harsa i tih i nunah eng te nge awm?

Pathian hnena thu a sawi chhuak lo vin i rilru in inhnial ṭhin em? I thiltih chuan i nuna chingfel tu chu tu nge ni a i lan tir? 

Vawiinah hian i nuna harsatna leh thawpikna te thununa chingfel turin Pathian thlang la. Chu chu eng nge a an ang? I nunah danglamna eng nge a thlen ang?

Isua hi i chhandamna turin i ring tawh em?

Bible chuan Isua Kriata kal tlanga Pathian rinna chauh hian vanram min thlen thei a ti a. Vanrama lut turin Pathian hmangaihna emaw a hnathawh emaw hlawh chhuah hranpa angai reng reng lo. Bible chuan, “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve; chuti lo chuan, miin an chhuang dah ang e,” a ti. (Ephesi 2:8-9)

Isua hi ila ring lo va, amah chu ila zui lo a nih pawhin, nakin hun nghah kher angai em ni? Isua Krista chu ring tur leh zui tura thutlukna i siam thei anih chuan, heti hian ṭawngṭai ang che. 

“Isua duhawm, ka rin che chuan, ka thil tih sual engkim hi min ngaidam ang tih i intiam angin min ngaidam ang tih ka rin avangin ka ring che a ni. Ka nun awmzia te ka zir anga, i vanin nuamah chuan min lo pawm ve ang che.

“Ka sualna te ka puang a, min chhandam tu i nih ka ring e. Ka sualna te ka puan chuan min chhandam ang tih i intiam angin ka ring che a. Chhandamna chu rinna avang chauh leh ka thil tih dang vang a ni lo tih ka ring bawk e. Ka Lalpa atan ka ring che a ka pawm ta che a ni. Vawiinah hian ka nunna engkim hi i nunah ka rawn pu lut ta a. Ka nun driver seat-a ṭhu atan ka duh che a ni.

“Isu, i hmangaihnaa chawlh ka duh a ni. Chu chu ka thawh chhuah emaw ka hlawh chhuah emaw pawh a ngaih loh avangin ka lawm e. Mahni rawng bawl ai chuan dam chhunga i rawng bawl hi ka thlang ta zawk a ni. I ang chhunga min pawm tur leh min chhandam turin ka nunna tlawm tak hi ka hlan a che. I hmingin ka dil a che. Amen.

Achunga mi ang khian i ṭawngṭai anih chuan, hetah hian minlo hrilh ang che – Rick@PastorRick.com. Isua nena hun i hman zel theih nan thil ṭangkai tur a thlawnin ka lo thawn ang che. 

[Lettu: Sangpuia]