Ticker

10/recent/ticker-posts

Mamit DC-in Chuhvel khaw daia IR Camp leh kawng laih mek tlawh

Aizawl | July 22, 2021: Mamit District Bawrhsap Dr Lalrozama, IAS  chuan nimin khan Chuhvel khaw daia IR Camp leh Motor kawng laihte enfiahin a tlawh.


Mamit DC hmalakna hnuaia kalkawng thar laih hi IR Camp thar sakna hmun Bilpadawp Tlang laih thlen a ni tawh a. He lai hmunah hian JCB 2 leh Hitachi 1 hnathawka awm tawh sa bakah vawiin-a District Bawrhsap-in a tlawh rual hian Mizoram Earthmovers Owners Union te'n an tirh JCB - 2 te'n an awm chilh nghal bawk a ni. JCB hi mamawh dan a zirin a dang pawh tirh belh tum a ni bawk. 

Mamit District Bawrhsap-in Chuhvel khaw daia kawng laih thar a tlawhna-ah hian SDO (C) Kawrthah Andy Lalfakzuala Varte MCS, SDPO, Kawrthah Lalthanfala MPS,  Adjutant 4th IR Kiran Kumar MPS, Chuhvel khawtlang hruaitute bakah ram neitute zinga mi John Halliday te'n an tawiawm a ni.

- DIPR

Post i hmuh dan

Post a Comment

0 Comments