Kolasib Town Joint VLTF te'n Supply minister thil[ek sem chhuak

Kolasib | July 8, 2021: Vawiin chawhma dar 10 khan Kolasib Tuithaveng Community Hall-ah Supply Minister Pu K.Lalrinliana’n Covid-19 dona kawnga a tul apianga hman atan tanpuina Joint VLTF-te kuta a hlan chu Kolasib khaw chhung VLTF 13-te hnen a semchhuahna hun hman a ni a. Hrileng dona hmanraw pawimawh zual, hmai tuamna (Mask), Hand Sanitizer leh Surgical Gloves thahnem tak bakah pawisa fai cheng 10,000 theuh Kolasib khaw chhung a VLTF-te hnenah hian sem chhuah a ni.


Food,Civil Supplies and Consumer Affairs Minister, Pu K. Lalrinliana hmalakna vek hian  Kolasiba veng 13 VLTF-te hnenah hian Buhfai Bag 7 theuh pek a ni bawk. Kolasib Joint VLTF hruaitute chuan heng thilpekte khaw chhung VLTF hrang hrangte hnena hlan chhawnna hun hi an hmang a, Kolasib mipuite tana Supply Minister thilphalna leh inpekna chu ropui an tih thu Joint VLTF hruaitute chuan an sawi. 


Heng bakah hian ni 7.7.2021 khan Pangbalkawn, Meidum, S. Chhimluang, Bairabi N, Bairabi S, Awrpuaravengahte hian Minister Pu K.Lalrinliana chuan tanpuina sumfai cheng singkhat theuh leh invenna hmanraw hrang hrang a pe a ni. Heng thilpek zawng zawngte hi Kolasib Assembly Constituency bialtu MLA, Supply Minister Pu K. Lalrinliana'n ama mimal sum atanga a ruahman sak a ni.

Post a Comment

0 Comments