Kargil Hnehna Ni vawi 22-na hmang; Governor Dr Kambhampati-in Martarte zahna hlan

Aizawl | July 26, 2021: Vawiin hi India sipai huaisen ten Kargil Indonaah Pakistan an hnehna ni vawi 22-na a ni a. Hemi pual hian Kargil indonna hmuna India sipai huaisen martar te hriatrengna leh zahna lantirna hun Governor Dr Hari babu Kambhampati hovin War Memorial, Zodin Square-ah leh Quarter Guard( Unit HQ 2 Assam Rifles, Lakhimpur Bn)-ah te hun hman a ni.


Kargil Vijay Diwas 2021 puala hun hmasa zawk hi War Memorial, Zodin Square-ah hman hmasak a ni a. He hunah hian Kargil Indona hmuna sipai huaisen ram chhanna atana nunna hlantute zahna lan tir nan Governor Haribabu Kambhampati chuan Pangpar(Wreath) dahin Martarte zahna chibai a buk a.


Hemi hnu hian Governor chuan Quarter Guard chhungte fang kualin AR hotuten Quarter Guard chanchin leh a kaihhnawih te bakah India Sipai huaisen te thiltih langsar deuh Quarter Guard chhunga tarlan chungchang te an lo sawi fiah a ni.


Kargil Vijay Diwas hi kumtin India ram pumah hman thin a ni a. July 26, 1999 a India Sipai ten Kargil tlang chhipa Ralvenbuk te Pakistan Sipai te lak atanga an lakletna leh hnehna an chan hriatrengna atan Kargil Vijay Diwas hi hman thin a ni.

Post a Comment

0 Comments