INDIAN CHRISTIAN DAY


 Indian Christian Day

(India ram chhunga Isua Krista hriat rengna leh lawmna ni hman a ni)

- Vanlalthansânga


Zirtir Thoma India ramah a lo lut

Kan Lalpa Isua he leia a rawngbawlna a lo zawh tak hnu khan vanah ani chu a chho ta a. Zirtirte 12 te chu khawvel dâp chhuaka Chanchin Ṭha hril turin an inbuatsaiha. Tichuan zirtirtr chuan an kalna tur ram an pawta zirtir Thoma chuan India ram a pawt fuh ta a ni tia sawi te pawh an awm a ni. July ni 3 hi hman lai a tang tawh in India rama Mithianghlim THOMA NI ti a hman ṭhin a ni a. Isua Krista zirtir zinga mi ngei chu India ram (Kerela) ah kum 52 AD khan lo thlengin, Chanchin |ha a rawn hrila. Kerela ah hian kohhran 7 a din niin an sawia, chuta ṭang chuan Tamil Nadu lamah Chanchin Ṭha hril zelin Chennai bul ah kum 72 AD khan Chanchin Ṭha avangin a martar-a, a nun a lo hlan ta a ni.

Indian Christian Day ah 3 July puang

Indian Christian Day hi mi tlem te (Kohhran hrang hrang) kalkhawm ten lawm a nih theih na turin bul an ṭana, a vawikhatna atan India rama Kohhran hrang hrang leh India mi khawvel hmun hrang hranga Christian awm tena an lawm tura hmalak a ni. He ni 3 July hi Mithianghlim Thoma Ni ah hman a ni reng ṭhina; chumi avang te pawh chuan he ni hi India Christian-te Ni (Yeshu Bhakti Divas) a puan a ni a, kum 2021 aṭang hian kum tin a lawmna hi hman tura ruahman a ni. India rama Krista Chanchin Ṭha kum 52 AD – a Isua zirtir sawmpahnih te zinga mi ngei, Mithianghlim Thoma’n alo thlen leh Chennai bula a martar-na hriat reng nana buatsaih a ni. India Christian te ni hi a huam zau thei ang ber leh hnam tin chi tin leh ram tina mi tena an lawm tura hma lak a ni.

July 3 - a lawmna ni ah chuan

- Khawtlanga rawngbawlna te

- Hriselna lam kaihnawih te

- Chaw leh silhfen sem te

- Sik leh sa kaihhnawih thil thenfai te

- Thupui hmanga a huhova thil chi hrang zir huaihawt te

- Lâm leh rimawi hmanga intihsiakna programme buatsaih nise tih a ni 

Kum 10 chhung lawm dan tur (2021-2030)

India Christian-te Ni hi 3 July 2021 aṭanga kum 10 chhung (2021-2030) lawm tur a ni a. Lalpa Isua Krista rawngbawlna kum 2000 tlinna champha leh India ram leh khawvela mite nuna danglamna nasa tak a thlen avanga Amah (Isua) chawimawi nana buatsaih a ni.

Hmathlir

He Ni atana an hmathlir ah chuan India rama kum 52 AD-a Tirhkoh Thoma’n Isua Krista Chanchin |ha a puan darh leh chumi avanga India rama kan nunphung (culture) leh kan nihna (Identity) leh inpumkhatna te min humhim sak avangin he Indian Christian Ni kan lawm tur a ni tih a ni. 

Khawvel huapa thiltum

Khawvel huap an thiltum ah chuan India ram chhung leh khawvel hmun tina awm ṭhian te leh Isua Krista hnung zuitute te chu: ṭhenawm khawveng te hmangaih tur leh khawtlang rawngbawlsak tur te leh Isuan India rama malsawmna a rawn thlen avangin lawm tur a ni an ti bawk.

 

Source: indianchristianday.com

Post a Comment

0 Comments