I INHUAMNA CHUAN I NUN A SIAM


 I INHUAMNA CHUAN I NUN A SIAM

- Rick Warren

- 21 July, 2021

“Kan kiang vela awm engkim hi a tuiral vek dawn a, chuvangin thianghlim takin, Pathian thu angin kan nung tur a ni!” 2 Peter 3:11 (TLB)

Thil dang zawng aiin i inhuamna chu i nun siam nan a pawimawh a ni. I inhuamna chuan hma a tisawn thei che a, a tichhe thei bawk che a ni. Chuvangin engti kawng zawng emaw talin i nun a sawifiah dawn a ni.

I inhuamna min hrilh la, kum 20 hnua i nun dan tur chu ka lo hrilh dawn che nia. I inhuamna ang zelin i nih tur chu i ni thei ang.

Mi tam zawk chu an inhuam danin a zir tawk loh avangin an nuna Pathian thil tum chu an hre lo fo a ni. Mi tam zawk chuan engtih mah hi an inhuam loh avangin, an tal vel mai mai ṭhin a ni. Midang chuan thinlung zatve pein midang nena inel an inhuama chu chuan beidawnnaah leh mi naran nihnaah a siam ta ṭhin a ni. Ṭhenkhat thung erawh chu khawvel thilah an rilru zawng zawng pek an inhuama, mi hausa leh lar nih an tuma, mahse an tawpna chu lungawilohna leh khaknaah a ni. 

Eng duhthlanna pawh hi chatuan nghawng thei thil vek a ni a, fing taka duhthlanna i siam a ngai a ni: “Kan kiang vela awm engkim hi a la tuiral vek dawn a, chuvangin thianghlim takin, Pathian thu angin kan nung tur a ni!” (2 Peter 3:11 TLB).

Duhthlanna siam ngai hmasa ber chu Isua zui hi a ni. Isua i zui hnua i awm dan tur zawng zawng chu vawi leh khatah i hriatthiam vek a ngai lo. Amah zui tura a sawmna che chu chhangin han zui ve phawt mai rawh le.

Tichuan, Isua i zui hnuah chuan, thianghlim turin, Pathian duh dan anga awm turin inhuam la. Krista ang tura i inhuam ang zelin Isua anna chu i nei ang. 

Han ngaihtuah la

I inhuam dan a zir zelin, midang pawhin chutiang tur chuan an ngai ang che? 

Krista ang tura in inbuatsaihna kawngah engin nge i inhuamna tur dal ṭhin che?

2 Petera 3:11 pawimawhna hian engtiangin nge i inhuam dan turah awmzia a neih theih ang?

[Lettu: Sangpuia]

Post a Comment

0 Comments