Hripui vangin Champhai Ruantlang tlawhpawh khap

Aizawl | July 22, 2021: Champhai Ruantlang-ah hri kaina chin hriat loh Covid-19 hri kai hmuh chhuah an awm avang leh, District Magistrate leh Chief Medical Officer, Champhaite an inrawn tlan hnuah helai chhehvelah natna hrik a darh zel loh nana hma lak nghal tul hle ni a hriat a ni a. Mizoram Sawrkar-a Health & Family Welfare Department-in June 6, 2020-a 'Containment & Surveillance Plan on Covid-19 for Mizoram' a tih chhuah, para 4  tlawhchhanin helai bawr hi hri inkaidarh zel theihna, hmun ralti, mumal leh chak taka hnuchhui hna (contact tracing) kalpui ngaihna hmun ni a hriat a ni.


Thil awm dan hetiang hi a nih tak avang hian Pi Maria C.T Zuali, District Magistrate, Champhai District chuan, 'The Mizoram Epidemic Diseases (COVID-19) Regulations, 2020' Section 11 thuneihna a pek angin Champhai Ruantlang Veng pumpui chu HMUN KHUAHKHIRH BIK (restricted area) ah July ni 21, 2021 vawiin khan a puang.




Restricted area chhungah hian Magistrate, Medical Duty leh VLTF duty-te phalna lovin tu mah luh leh chhuah phal a ni lo. Ruantlang paltlanga veng danga kal turte erawh a huam lo ang a; mahse Restricted Area huam chhungah din khawmuan leh teihawi phal a ni lo.

He inkhuahkhirhna hian Executive Magistrate, Police, Health & Family Welfare, Fire & Emergency lama hnathawktute leh District Magistrate-in a bik taka phalna a pekte erawh a huam lo ang.

He thupek bawhchhia an awm a, man an nih chuan, 'The Mizoram Epidemic Diseases (Covid-19) Regulations 2020' Section 13 leh Indian Penal Code (IPC) Section 188 hmanga hrem theih an ni ang.

Hei hian thupek chhuah a nih atanga hnu chhuina (contact tracing) kalpui ngaih hun chhung a huam ang a, a tul anga pawhsei theih a ni ang.

Post a Comment

0 Comments