Aizawl, the 28th July, 2021 : Vawiin khan Dr. ZR Thiamsanga MLA, Vice Chairman, Health and Family Welfare Board chuan July ni 26, 2021 a ramri buai avang a Mizoram Police leh Assam Police te inkahna a hliam tuar Tv. PC Lalmuansanga, kum 24 S/o PC Zoramliana Vairengte chu Civil Hospital ah a tlawh a.
Dr. ZR Thiamsanga chuan tha chhuak leh thuai tura duhsakna thu hlanin Pathian leh Doctor thiam rual te zarah a that chhuah leh thuai tur thu te, Mizoram leh hnam tana Tv. C Lalmuansangan hliampui a tuar mek chu hliam ngaihsanawm tak a nih thu a sawi. Tv. PC Lalmuansanga hi Dr. ZR Thiamsanga chuan Rs.10000/- in a kan nghal bawk a ni.
He hun a awm ve Dr. Lalhmuchhuaka, Medical Superintendent, Civil Hospital chuan Tv. PC Lalmuansanga dinhmun sawiin a malpui ding lama an kah tlang chuan veilam fuh lehin, vei lamah hian a mu atan mek thu te, thisen Unit 8 zet pek a nih tawh thu te, Kolasib District Hospital ah a malpui dinglam chu tha taka an lo enkawl tawh thu leh a nunna atan a hlauhawm awm a lan loh thu a sawi bawk a. Dr Hmuchhuaka chuan silai a kah a nih avangin a thisen zam leh hriatna thazam chhe palh thei a awm leh awm loh pawh ngun taka Doctor thiam ten an enzui zel tur thu leh a ruh erawh a khawih chhe lo nia a lan thu a sawi bawk a ni.
Post a Comment
He post chungchanga i ngaihdan lo sawi ve rawh: